Алишер Қаюмов Ўзбекистоннинг Сингапурдаги элчиси этиб тайинланди. Бу ҳақда “Дунё” АА хабар берди.
Янги элчи Сингапурга тайинланишидан олдин 2017 йилдан буён Ўзбекистоннинг Германиядаги элчихонасида маслаҳатчи бўлиб ишлаган.
54 ёшли дипломат Тошкент давлат университетини (ҳозирги Ўзбекистон Миллий университети) тамомлаган. Узоқ йиллар давомида Ташқи иқтисодий алоқалар вазирлиги тизимида (ҳозирги Инвестициялар, саноат ва савдо вазирлиги) ҳамда Германиядаги элчихонада савдо-иқтисодий масалалар бўйича маслаҳатчи сифатида ишлаган.
Қайд этилишича, элчихона маслаҳатчиси сифатида у Австрия ва Венадаги халқаро ташкилотлардаги дипломатик миссияни бошқарган. Хусусий бизнесда, жумладан, хорижда ишлаш тажрибасига эга.
Алишер Қаюмов Ўзбекистоннинг Сингапурдаги (2018–2024) ва Австралияда (2022–2024) ўриндошлик асосидаги элчиси (қароргоҳи Сингапурда) бўлиб ишлаган Қаҳрамон Шокиров ўрнига тайинланди.
Изоҳ (0)