“Толибон” кон ва нефть вазирининг ўғли Мўғфуруллоҳ Шаҳоб Ўзбекистонга элчи этиб тайинланди. Бу ҳақда Sputnik Афғонистон хабар берди.
Бу “Толибон” етакчиси Ҳайбатуллоҳ Охундзоданинг амалдорларга қариндошларини давлат муассасаларига ишга олишни тақиқлаганига қарамай амалга ошди. Афғонистоннинг аввалги ҳукуматининг Тошкентдаги элчиси Аҳмад Холид Элимий ўрнига Мўғфуруллоҳ Шаҳоб тайинланган. Элимий икки ярим йилдан ортиқ вақт давомида “Толибон” Ташқи ишлар вазирлиги назорати остида ишлаган.
Қайд этиш керакки, “Толибон” бундан аввал Хитойга элчисини тайинлаган эди, Ўзбекистон эса Афғонистон муваққат ҳукумати ўз элчисини тайинлаган иккинчи давлат бўлди. 2023 йил сентябрь ойида Хитой ҳукумати ҳам “Толибон” ҳокимиятга келганидан сўнг дунёда биринчи бўлиб Кобулга ўз элчисини тайинлаган эди.
Изоҳ (0)