Манфред Hutэрер Германиянинг Ўзбекистондаги элчиси этиб тайинланди. Бу ҳақда Ўзбекистон ташқи ишлар вазири Бахтиёр Саидов Telegram-каналида маълум қилди.
Вазир элчидан ишонч ёрлиқлари нусхаларини қабул қилиб олди.
“Биз тобора кенгайиб бораётган Ўзбекистон-Германия икки томонлама ҳамкорлиги кун тартиби, ҳудудлар ўртасидаги тўғридан тўғри шерикликни мустаҳкамлаш, кўпроқ иқтисодий кўприкларни барпо этиш ва бошқа масалаларга тўхталдик. Ўзбекистон Ташқи ишлар вазирлиги жаноб элчи ва элчихона жамоасининг алоқаларимиздаги улкан салоҳиятни рўёбга чиқариш йўлидаги саъй-ҳаракатларини қўллаб-қувватлашга тайёр”, деб ёзади Бахтиёр Саидов.
Янги тайинланган элчи 2019—2023 йилларда Германиянинг Беларусдаги элчиси бўлган.
Июнь ойи охирида Германиянинг Ўзбекистондаги собиқ элчиси Тило Клиннер ўз миссиясини якунлаган эди.
Изоҳ (0)