Наманган шаҳридаги “Афсоналар водийси” боғида анъанавий халқаро асал фестивали бошланди. Бу ҳақда “Дарё” мухбири Азизбек Абдувалиев хабар бермоқда.
Фестивалнинг очилиш маросимида вилоят ҳокимлиги, Туризм қўмитаси, Германиянинг GIZ ташкилоти вакиллари сўз олиб, тадбир иштирокчилари ва меҳмонларини қутлади.
Учинчи бор ўтказилаётган фестивалда 200 дан зиёд асаларичилар ўз маҳсулотларини тақдим этмоқда.
Улар орасида Ўзбекистоннинг турли шаҳар ва вилоятлари, шунингдек, Қозоғистон, Қирғизистон ва Россия вакиллари ҳам бор.
.jpg?_t=1730482269)
Фестивалнинг очилиш маросимида сўз олган мутасаддиларнинг қайд этишича, Ўзбекистондан экспорт қилинаётган асалари пакетларининг қарийб 60 фоизи Наманган вилояти улушига тўғри келмоқда.
Жумладан, жорий йил 171 минг дона асалари пакети экспорт қилинган бўлса, шунинг 100 минг донаси Намангандан юборилган.
2024 йилнинг ўтган муддати давомида вилоятда 4200 тонна асал етиштирилган.
Бу кўрсаткич йилига ўртача 10 фоизга ошиб бормоқда, тайёрланган маҳсулотлар эса Қозоғистон, Хитой ва бошқа давлатларга экспорт қилинмоқда.
Уч кун давом этадиган фестивал доирасида асаларичиликка бағишланган илмий-амалий конференция, спорт тадбирлари, концертлар, маҳорат дарслари ва турли танловлар ўтказилиши режалаштирилган.
.jpg?_t=1730482259)
Изоҳ (0)