Россия футбол иттифоқи (РФИ) директори Андрей Лексаков ФИФА чекловлари Россия терма жамоасининг турли ўйинларда иштирок этишига қаршилик кўрсатмаслигига умид қилишини айтди.
УЕФАдан халқаро мусобақаларда иштирок этиш учун чекловлар олиб ташланишини кутяпмиз. Афсуски, ҳозир жамоаларимиз ҳеч қайси мусобақада иштирок этмаяпти. Лекин сентябрда 2004 йилда туғилган футболчиларимиз дастлабки саралаш босқичида ўйнаши лозим эди, кейин эса 2006 йилда туғилган қизлар термаси ўйнаши керак.Аввалроқ ФИФА конгресснинг навбатдаги йиғилишида Россиянинг ташкилотдаги келажаги масаласини кўриб чиқиши хабар қилинганди. Унда РФИ ташкилот аъзолигидан чиқариб юборилиши ёки аъзолик тўхтатиб қўйилиши мумкин.Балки, ёшлар терма жамоаларига халқаро мусобақаларда иштирок этиш учун расман рухсат берилар, кейин эса занжир миллий терма жамоага тортиларди. Ёки аксинча, миллий терма жамоага рухсат берилишини кутамиз, шундан сўнг бошқа термалар ҳам мусобақаларда иштирок этиш ҳуқуқига эга бўлади.
Биз ёшлар терма жамоалари иштирокидаги кузги мусобақалар учун Венгрия, Италия ва Хорватиядан таклифлар олдик. Албатта, бу умумий рўйхат эканлигини тушунамиз, аммо улар бизнинг эркаклар ва аёллар терма жамоаларининг иштирокига рад жавобини бермайди.
Осиё давлатлари билан ўртоқлик ўйинлари ўтказишга рухсат берилишидан умидимизни узганимиз йўқ. Европаликлар билан музокара ўтказиш қийин бўлади. Лекин Хитой, Эрон, Ўзбекистон, Қозоғистон ва ҳатто, Шимолий Корея ҳам бизнинг жамоалар билан ўйнаши мумкин. Бу россиялик футболчиларнинг тайёргарлигини маълум даражада ушлаб туришга ёрдам берарди.
Андрей Лексаков, РФИ директори
Эслатиб ўтамиз, ФИФА Россия футбол терма жамоасини ЖЧ—2022 ўтиш ўйинларидан, УЕФА эса рус клубларини Еврокубоклардан четлатган эди.
Изоҳ (0)