Европадаги кичик ва ўрта мудофаа корхоналари уруш туфайли талаб ошганига қарамай, инновацияларни жорий этиш ва ишлаб чиқариш қувватларини кенгайтиришда молиявий муаммоларга дуч келмоқда. Бу ҳақда Deutsche Welle хабар берди.
Ўнлаб компания вакиллари, ҳукумат амалдорлари ва мудофаа соҳаси мутахассислари мазкур муаммони тасдиқлади. Улар Европа ҳукуматлари корхоналар учун молиялаштириш имкониятларини яхшилаш йўлларини топиши кераклигини айтди.
Давлат молиялаштиришига эга бўлмаслик, бюрократик тўсиқлар ва банклар томонидан экологик, ижтимоий ва бошқарув мезонларини бузишдан хавотирланиб кредит беришни хоҳламаслиги Европада мудофаа корхоналарининг ривожланишига тўсқинлик қилмоқда.
“Сўнгги пайтларда мудофаа ва хавфсизлик саноати дуч келган муаммоларнинг аксарияти ҳамон мавжуд ёки ҳатто кучайиб бормоқда”, дея таъкидлади Чехия мудофаа саноати уюшмаси раиси Иржи Гинек.
Европа Комиссиясининг 2024 йилги ҳисоботига кўра, Европа Иттифоқи мудофаа секторидаги кичик ва ўрта корхоналар 1 миллиард евродан 2 миллиард еврогача бўлган қарз маблағлари тақчиллигига дуч келган. Бу уларнинг ривожланишига тўсқинлик қилади, фаолиятини қисқартиришга ва Европа Иттифоқидан ташқарида молиялаштириш излашга мажбур этади.
Изоҳ (0)