Европа иттифоқи дипломатияси раҳбари Жосеп Боррель КХДРнинг қитъалараро баллистик ракета учирилишини “қатъий қоралаши”ни ва буни “ноқонуний” деб билишини маълум қилди. Бу ҳақда Брюсселда эълон қилинган баёнотда айтилади.
Боррелнинг фикрича, “ноқонуний ракета учирилиши КХДРнинг оммавий қирғин қуролларини ишлаб чиқишда давом этаётганидан далолат беради”. Унинг фикрича, бу ҳаракатлар БМТ низомини бузади ва “халқаро ва минтақавий тартибни хавф остига қўяди”.
Боррелнинг сўзларига кўра, Пхеньян “зудлик билан ўзининг ракета ва ядровий дастурларини” тарк этиши ва уларни “тўлиқ ва текширилиши мумкин бўлган тарзда” йўқ қилиши керак.
Боррель 1 ноябрь, жума куни музокаралар учун Японияга режалаштирилган ташриф билан келади, бу ерда КХДР асосий мавзулардан бирига айланади.
Аввалроқ Япония мудофаа вазирлиги КХДР томонидан учирилган ракета рекорд даражада 86 дақиқа парвоз қилгани ва шу вақт ичида барча даврларнинг энг баланд чўққисига, яъни 7 минг км дан ортиқроққа кўтарилгани ҳақида хабар берган эди.
Ҳозирда мамлакат расмийлари ушбу ракета янги турдагими ёки йўқми — таҳлил қилишда давом этмоқда.
Корея марказий ахборот агентлигининг хабар беришича, Шимолий Корея етакчиси Ким Чен Ин мамлакат ўз ядровий қуролли кучларини мустаҳкамлаш йўналишини ўзгартирмаслигини таъкидлаган.
Изоҳ (0)