Германия ҳукумати 2023 йилда 11,71 миллиард евролик қурол экспорт қилиб, тарихий рекорд ўрнатди. Бу ҳақда ҳақда Иқтисодиёт вазирлигига таяниб, Deutsche Welle хабар берди.
2021 йилда ўрнатилган аввалги рекорд 9,35 миллиард евро, бу декабрь ойи ўрталарида аллақачон 25 фоизга ошиб кетган. Тасдиқланган экспортнинг учдан бир қисмидан кўпроғи Украинага Россия кучларига қарши мудофаа кампанияси учун жўнатилган, жами 4,15 миллиард евро.
Рақамлар 1 январдан 12 декабргача бўлган даврга тааллуқли бўлиб, бу даврда Германия 6,15 миллиард евролик қурол-яроғ ва 5,57 миллиард евролик бошқа ҳарбий техника етказиб беришни маъқуллаган. Тахминан 90 фоиз қурол Европа Иттифоқи ва НАТО мамлакатлари, Украина ва қурол экспортини назорат қилувчи мамлакатлар — Япония, Австралия ёки Жанубий Кореяга юборилган.
Исроил, Бирлашган Араб Амирликлари ёки Саудия Арабистони каби учинчи давлатлар учун Германия ҳукумати 1,18 миллиард евролик қурол ва ҳарбий техника экспортини тасдиқлаган.
Изоҳ (0)