Футбол бўйича Тожикистон ўсмирлар терма жамоаси ярим ҳимоячиси Муҳаммад Назриев терма жамоаларнинг бир ўйинида гол уриш бўйича жаҳон рекордини ўрнатди.
Тожикистоннинг 17 ёшгача бўлган ўсмирлар терма жамоаси Осиё Кубоги–2025 саралаш турнири доирасидаги ўз уйида гуамлик тенгдошларини 33:0 ҳисобида мағлуб этди. 16 ёшли Назриев 14 та гол урди. Бу Халқаро футбол федерацияси (FIFA) шафелигидаги терма жамоалар ўйинларида битта футболчи учун рекорд кўрсаткич ҳисобланади. Учрашувда яна 6 та голга Назрулло Ашурализода муаллифлик қилган бўлса, Умед Жафоев хет-трик қайд этди. Хайдаршоҳ Худойдодов, Парвиз Бобоназаров ва Асадбек Махтумов иккитадан гол урди.
Аввалги рекорд 2001 йилда австралиялик Арчи Томпсон томонидан қайд этилган бўлиб, у Самоа дарвозасига 13 та гол урган (33:0) эди.
Маълумот учун, Тожикистон терма жамоаси учта ўйинда 9 очко жамғарган ҳолда Ж гуруҳида биринчи ўринни эгаллади.
E гуруҳида саралаш ўйинларида қатнашган Ўзбекистон ёшлари ҳам 9 очко билан биринчи ўринни эгаллаб, 2025 йили Саудия Арабистонида бўладиган финал босқичига йўл олди.
Изоҳ (0)