Ўзбекистонлик мутахассис Усмон Тошев Афғонистон миллий жамоаси бош мураббийига айланди.
Ўзбекистон футбол ассоциацияси терма жамоалар бўлими бошлиғи лавозимида фаолият юритиб келган Усмон Тошев қўшни мамлакат миллий жамоаси бош мураббийи сифатида иш бошлади. Томонлар 1 йиллик шартнома имзолаган. Кеча, 21 октябрь куни Қобулда ўтказилган матбуот анжуманида бу ҳақда эълон қилинди..
59 ёшли Усмон Тошев мураббий сифатида “Бухоро”, “Насаф” клубларини бошқарган, шунингдек, Ўзбекистон миллий жамоасида ёрдамчи мураббий бўлиб ишлаган. 2018—2021 йиллар давомида Тожикистон миллий жамоаси бош мураббийи сифатида фаолият юритган.
Маълумот учун, Афғонистон миллий жамоаси FIFA рейтингида 152-ўринни эгаллаб турибди.
Бунгача Афғонистон термасини англиялик мураббий Эшли Вествуд бошқарган эди.
Изоҳ (0)