Футбол бўйича CAFA Nations Cup—2023 3-турида Ўзбекистон миллий терма жамоаси 17 июнь, шанба куни Тожикистонга қарши баҳс олиб борди.
Учрашувнинг 13-дақиқасида Тожикистон футболчиси Парвизжон Умарбоев ҳисобни очди.
Иккинчи бўлимда эса ўзбекистонликлар бешта гол билан жавоб қайтарди. 53-дақиқада Жасурбек Яхшибоев рақиб дарвозасини ишғол қилди. Орадан 3 дақиқа ўтиб, Элдор Шомуродов пенальтини аниқ амалга оширди ва Ўзбекистонни ҳисобда олдинга олиб чиқди.
73-дақиқада эса Аббосбек Файзуллаев ҳисобни ишончли кўринишга олиб келди.
83-дақиқада Ҳожимат Эркинов, 96-дақиқада Остон Ўрунов Ўзбекистоннинг навбатдаги голлари муаллифига айланди. Шу тариқа Сречко Катанец шогирдлари гуруҳни юз фоизлик натижа билан якунлади.
Ўзбекистон терма жамоаси CAFA Nations Cup—2023 финалида Эронга қарши баҳс олиб боради. Жамоалар ўртасидаги ўйин 20 июнь куни 20:30 да старт олади.
CAFA Nations Cup—2023
3-тур баҳси
17 июнь, шанба
Ўзбекистон – Тожикистон 5:1
Голлар: 0:1 — 13 Парвизжон Умарбоев, 13 (0:1), 1:1 — 53 Жасур Яхшибоев, 2:1 — 56 Элдор Шомуродов (пенальти), 3:1 — 73 Аббосбек Файзуллаев, 4:1 — 83 Ҳожимат Эркинов, 5:1 — 90+6 Остон Ўрунов (пенальти).
Ўзбекистон: 16. Ботирали Эргашев, 2. Алибек Давронов, 5. Абдуқодир Ҳусанов, 6. Иброҳим Ҳалил Йўлдошев, 8. Жамшид Искандаров, 18. Абдулла Абдуллаев, 20. Акмал Мозговой, 22. Дилшод Saitoв, 23. Жасур Яхшибоев, 24. Бобир Абдуҳолиқов, 27. Жамшид Болтабоев.
Тожикистон: 1. Рустам Ятимов, 2. Зоир Жўрабоев, 5. Манучеҳр Сафаров, 6. Ваҳдат Ханонов, 7. Парвизжон Умарбоев, 8. Амирбек Жўрабоев, 10. Алишер Жалилов, 15. Шервони Мабацҳоев, 17. Эҳсони Паншанбе, 19. Аҳтам Назаров, 21. Манучеҳр Жалилов.
Огоҳлантиришлар: Ваҳдат Ханонов (28), Иброҳим Ҳалил Йўлдошев (38), Парвизжон Умарбоев (41), Манучеҳр Сафаров (42), Эҳсони Паншанбе (59).
Изоҳ (0)