Футбол бўйича миллий терма жамоалар ўртасида Марказий Осиё ассоциацияси кубоги 1-турида Ўзбекистон терма жамоаси 11 июнь, якшанба куни Уммонга қарши майдонга тушди.
Учрашувнинг 7-дақиқасидаёқ Жалолиддин Машарипов жарима зарбасини муваффақиятли амалга оширган ҳолда ўзбекистонликларни олдинга олиб чиқди. 24-дақиқада Машарипов дубль қайд этди ва ҳисобни ишончли кўринишга олиб келди.
Иккинчи бўлимда ҳам Ўзбекистон вакиллари ўйинни ўз назорати остида ушлади. Ўйин якунланиши арафасида Ҳожиакбар Алижонов ҳисобни йирик кўринишга олиб келди.
Гуруҳнинг нариги ўйинида Тожикистон ва Туркманистон терма жамоалари 1:1 ҳисобда дуранг қайд этди.
Ўзбекистон мусобақанинг 2-турида 14 июнь куни Туркманистон билан ўйнайди. Уммон эса Тожикистонга қарши баҳс олиб боради.
CAFA Nations Cup—2023
1-тур баҳси
11 июнь, якшанба
Ўзбекистон – Уммон 3:0
Голлар: 1:0 – 7 Машарипов, 2:0 – 24 Машарипов, 3:0 – 89 Алижонов.
Ўзбекистон: Ўткир Юсупов, Ҳожиакбар Алижонов, Абдулла Абдуллаев, Фаррух Сайфиев (Абдуқодир Ҳусанов, 83), Шерзод Насруллаев, Умарбек Эшмуродов, Отабек Шукуров, Жамшид Искандаров (Сардор Собирхўжаев, 60), Одил Ҳамробеков (Жасур Яхшибоев, 73), Остон Ўрунов (Аббосбек Файзуллаев, 73), Жалолиддин Машарипов (Ҳожимат Эркинов, 60).
Уммон: Иброҳим ал-Муҳайни, Аршад ал-Алави (Абдуллоҳ Фаваз, 46), Жума ал-Ҳабси, Аҳмад ал-Ҳамиси, Иссам ас-Сабҳи (Маҳмуд ал-Мушаифри, 65), Зоҳир Акбари (Абдул Раҳмон ал-Мушаифри, 85), Умар ал-Малки (Муҳсин ал-Ғассони, 46), Жамил ал-Яҳмади, 1Аҳмад ал-Кааби, Салоҳ ал-Яҳёи, Ғариб ас-Саади.
Тожикистон – Туркманистон 1:1
Голлар: 0:1 – 57 Аннаев, 1:1 – 86 Ҳамроқулов.
Изоҳ (0)