Uzbekistan Airways’нинг 30 октябрь куни Истанбулдан Тошкентга учаётган самолёти Анқара аэропортига фавқулодда қўнди. Бу ҳақда авиакомпания матбуот хизмати хабар берди.
Маълум қилинишича, HY282 рейси жадвалга мувофиқ Истанбулдан Тошкентга парвозга чиққан. Парвоз давомида самолёт командири йўловчининг ўзини ёмон ҳис қилгани сабабли Анқара халқаро аэропортига қўнишни сўраган.
Тошкент вақти билан 10:12 да самолёт муваффақиятли равишда Анқара шаҳридаги аэропортга қўнди. Тиббий хизматлар йўловчини рейсдан тушириб, тиббиёт муассасасига етказди.
Авиакомпания самолёти Анқарадан Тошкент вақти билан 13:20 да учиб кетди. Тошкент халқаро аэропортига 16:10 да етиб келиши кутилмоқда.
Изоҳ (0)