Пекиндаги Дасин халқаро аэропортига “Доксури” супертайфуни ёпирилди. Учиш-қўниш йўлаги ва самолётлар тўхташ жойини сув босди, деб ёзмоқда Sky News.
Ҳаво бандаргоҳидаги сув тошқини фавқулодда ва мисли кўрилмаган ҳодиса бўлди. Бу кўплаб рейсларнинг бекор қилиниши ва кечикишига олиб келди — минглаб одамлар Хитой пойтахтидан на уча олади, на унга қўна олади.
Пекинда тайфун оқибатида камида 20 киши ҳалок бўлди. Хитой раҳбари Си Цзиньпин маҳаллий ҳокимиятга тафюн тузоғига тушиб қолган одамларни қутқариш, қурбонлар ва моддий зарарни камайтириш учун барча чораларни кўришни буюрди.
Темирйўл станциялари ёпилди, 52 мингдан ортиқ одам эвакуация қилинди.
Бўрон Хитой ичкарисига кирган сари кучсизланаётган бўлса-да, расмийлар яна сув тошқини хавфи борлигидан огоҳлантирмоқда. Сўнгги бир неча кун ичида ёғингарчилик миқдори 2012 йилнинг июль ойидаги ёғинлар рекордини янгилади.
- Хитойнинг яқин тарихидаги энг ҳалокатли сув тошқини 1998 йилда содир бўлган, ўшанда 4 150 киши ҳалок бўлган.
- 2021 йилда марказий Хенан провинциясида 300 дан ортиқ одам сув тошқини оқибатида ҳалок бўлди, ўш йили провинция пойтахти Чженчжоуда кенг кўламли ёғингарчилик кузатилди.
Изоҳ (0)