Самолёт учувчиси касби жиддий билимни, шунингдек, маълум шахсий хусусиятларни талаб қилади, чунки учувчилар мураккаб ва олдиндан айтиб бўлмайдиган вазиятларда қарор қабул қила олиши лозим. Қуйида ушбу масъулиятли касб ҳақида бир нечта фактларни келтирамиз.
Учувчи билиши шарт:
- ҳар қандай парвоз имкон қадар хавфсиз бўлиши учун капитан парвоздан олдин, парвоз пайтида ва ундан кейин муайян ҳаракатлар режасини бажариши керак;
- учувчи ва барча экипаж аъзолари сузишни билиши шарт. Сувга мажбурий қўниш билан боғлиқ фавқулодда вазият юзага келганда, экипаж йўловчиларни тезда эвакуация қилиши ва қутқарув хизмати келгунига қадар йўловчилар хавфсизлигини таъминлаши лозим;
- учувчилар тиббий ёрдам кўрсатиши учун мунтазам тиббий малакани оширадилар. Бундан ташқари, улар самолёт бортида тиббий асбоб-ускуналардан фойдаланиш қоидаларини билишлари шарт;
- парвоз қилишдан аввал учувчилар шамол тезлиги ва йўналишини, туманни ҳисобга олишлари, шунингдек, юзага келиши мумкин бўлган хавфни олдиндан айта олишлари керак.
Учувчиларнинг шахсий хавфсизлиги:
- учувчилар парвоз вақтида навбатма-навбат ухлаши мумкин. Бу парвоз хавфсизлигини таъминлаш ва чарчоқ туфайли юзага келиши мумкин бўлган хатарнинг олдини олади;
- учувчилар бир-бирига егулик улашиши тақиқланади. Заҳарланишнинг олдини олиш мақсадида учувчиларга турли хилдаги овқатлар берилади;
- спиртли ичимликлар ичиш ман этилади. Учувчиларга учишдан 12 соат олдин таркибида алкогол бор ичимликларни истеъмол қилиш ман этилади;
- учувчи кислород етишмаслигидан ҳушини йўқоца-чи? Гипоксия – яъни кислород танқислиги учувчилар ва бошқа экипаж аъзоларида камдан-кам учрайдиган, аммо ниҳоятда хавфли ҳодиса. Бунга йўл қўймаслик учун самолёт борти қўшимча ҳаво жиҳозлари билан таъминланган бўлади.
Изоҳ (0)