Uzbekistan Airways’ning 30-oktyabr kuni Istanbuldan Toshkentga uchayotgan samolyoti Anqara aeroportiga favqulodda qo‘ndi. Bu haqda aviakompaniya matbuot xizmati xabar berdi.
Ma’lum qilinishicha, HY282 reysi jadvalga muvofiq Istanbuldan Toshkentga parvozga chiqqan. Parvoz davomida samolyot komandiri yo‘lovchining o‘zini yomon his qilgani sababli Anqara xalqaro aeroportiga qo‘nishni so‘ragan.
Toshkent vaqti bilan 10:12 da samolyot muvaffaqiyatli ravishda Anqara shahridagi aeroportga qo‘ndi. Tibbiy xizmatlar yo‘lovchini reysdan tushirib, tibbiyot muassasasiga yetkazdi.
Aviakompaniya samolyoti Anqaradan Toshkent vaqti bilan 13:20 da uchib ketdi. Toshkent xalqaro aeroportiga 16:10 da yetib kelishi kutilmoqda.
Izoh (0)