Рақобат қўмитасига фуқаролардан газ таъминотига оид 1500 га яқин эътирозли мурожаат келиб тушган. Бу ҳақда Рақобатни ривожлантириш ва истеъмолчилар ҳуқуқларини ҳимоя қилиш қўмитаси ахборот хизмати хабар бермоқда.
Мурожаатларининг асосий қисми табиий газнинг сифатсизлиги, суюлтирилган газни муддатида етказилмаслик, асоссиз қарздорлик, табиий газ ҳисоблагич ускунасини ўрнатиш ва давлат қиёсловидан ўтказиш каби бўлган.
Ўрганишлар давомида газ таъминоти филиали томонидан:
- Жиззах вилоятидаги хусусий корхонага 122 миллион сўм;
- Андижон шаҳар фуқарога 4,6 миллион сўм;
- Бухоро вилоятида фуқарога хонадонида газ ҳисоблагич ишламаётган бўлса-да, 16,9 миллион сўм
- Нукус шаҳрида фуқарога 7 миллион сўм;
- Урганч туманида фуқарога йўқ газ учун 4 миллион сўм
- Боёвут туманида фуқарога 1 миллион сўм;
- Термиз шаҳрида фуқарога 982 минг сўм асоссиз қарздорлик ҳисоблангани аниқланган ва масала фуқароларга фойдасига ҳал этилган.
Навоий ҳамда Наманган шаҳрида фуқаролар хонадонларига асосиз равишда газ ҳисоблагич ўрнатиб берилмагани ўз тасдиғини топган.
Изоҳ (0)