SamAuto “Комтранс Ташкент 2024” кўргазмасида энг янги паст полли автобус прототипини тақдим этди

SamAuto Тошкентда ўтаётган йирик Ўзбекистон ва Марказий Осиё юк ва тижорат транспорти кўргазмасида янги тўққиз метрли автобуснинг прототипини тақдим этди.

23 октябрдан 25 октябргача Ўзбекистондаги етакчи тижорат автомобиллар ишлаб чиқарувчиси – Самарқанд автомобиль заводи (SamAuto) CAEx кўргазмалар мажмуасида ўтаётган “Комтранс Ташкент 2024” халқаро кўргазмасида қатнашмоқда. Компания кенг маҳсулот ассортиментини, жумладан, энг янги ишланмаларни намойиш қилди. SamAuto стендидаги асосий тадбирлардан бири САЗ ЛФ70 автобуси прототипининг тақдимоти бўлди.

Сиқилган табиий газдаги САЗ ЛФ70 прототипи

SamAuto тақдим этган САЗ ЛФ70 автобусининг прототипи – бу “СамАвто”нинг энг янги ўз ишланмаси. Тежамкор ва экологик тоза тўққиз метрли паст полли автобус сиқилган табиий газ (CNG)да ҳаракатланади. У ISUZU двигатели, Allison автоматик узатмалар қутиси, Италиянинг БРИСТ компанияси кўприклари ва Wабcо тормоз тизими билан жиҳозланган бўлиб, бу ишончлиликни, юқори эксплуатация ресурси ва фойдаланишнинг хавфсизлигини таъминлайди. САЗ ЛФ70 модели кам мобил йўловчилар учун қулай “кнеелинг” тизими билан жиҳозланган: бекатларда йўловчи чиқариш ва туширишда кузов эшик томонга эгилиб “ўтиради”.

Йўловчи сиғими оширилган шаҳар паст полли автобуси (70 киши, жумладан 26 та ўтириш жойи) БМТ ЕИК халқаро қоидалари талабларига мувофиқ, шаҳар йўналишлари учун махсус ишлаб чиқилган. Айнан шу сабабли, ташламалар даражаси ва эксплуатация сарфларининг камайиши уни йирик шаҳарлар автотранспорт корхоналари учун идеал танловга айлантиради.

САЗ ЛФ70 автобусининг техник характеристикаси:

Габаритлар: 9410 х 2550 х 3452 мм. Қаторлама ўн олти цилиндрли экологик “Евро-5” тоифасига мансуб двигатель, ишчи ҳажми – 7 790 куб см., автоматик олти босқичли узатмалар қутиси билан жиҳозланган. CNG-1/CNG-3 тоифасидаги бешта баллонга қуйиладиган табиий газ ҳажми, 200 бар босимда, 725 литр ёки 145 куб м.ни такил қилади, бу автобусга битта ёқилғи қуйишда 300 км. юриш имконини беради.

Прототип юксак аниқликда тақдим этилган, бу маҳсулотнинг потенциал фойдаланувчиларига барча асосий функцияларнинг ишга лаёқатлилигини текшириш имконини беради. Кўргазма давомида SamAuto мутахассислари, бозор талаблари ва буюртмачилар истакларини инобатга олган ҳолда, САЗ ЛФ70 CNG прототипининг модификациялари ва опсиялар тўпламини муҳокама қилиш учун, мижозлар ва ҳамкорлар билан қатор учрашувлар ўтказишни режалаштирган. САЗ ЛФ70 автобусининг прототипи билан бир вақтда, компанияда САЗ ЛФ70 EV электробусини ишлаб чиқиш бормоқда. Компания транспорт операторлари учун максимал самарали ечимлар яратиш мақсадида эксплуатация қилишнинг барча хусусиятларини ҳисобга олишга интилади.

САЗ ЛФ70 CNG моделининг серияли ишлаб чиқарилиши 2025-й. апрелга режалаштирилган. Жами, кейинги йилда газ двигателли 70 та автобуси ишлаб чиқарилиши мўлжалланмоқда.

Компания вакиллари қайд этишларича, бу САЗ оиласидаги илк конструкторлик ишланмаси эмас. 2012 йилда САЗ ЛЕ60 автобусининг илк прототипи тақдим этилганди. Интерер дизайни ва қўлланилган агрегатларга кўра, бу моделлар ўзаро ўхшаш, бироқ харакеристикалари сезиларли фарқ қилади. САЗ ЛЕ60да тежамкорликка урғу берилган бўлса, САЗ ЛФ70 тежамкорлик ва юқори экологик тозаликни ҳисобга олган ҳолда ишлаб чиқилган.

Янгиланган САЗ HC45 автобуси

Кўргазма доирасида SamAuto стендида тақдим этилган яна бир янгилик имкониятлари чекланган йўловчилар эҳтиёжларини ҳисобга олиб ишлаб чиқилган САЗ HC45 паст полли автобуси бўлди.

Умумий йўловчи сиғими 36 киши (15 та ўтириш жойи) бўлган автобус “Ҳаммабоп муҳит” давлат манзилли дастурига тўлиқ мос келади. Базавий комплектацияда, кам мобил йўловчиларни чиқариш-тушириш учун автобус платформа (аппарел) билан жиҳозланган. Йўловчи ташувчилар учун қўшимча опсиялар қаторида тутқичлар ва ногиронлар креслосини маҳкамлаш учун тизимлар билан таъминланган алоҳида жой мавжудлигини келтириш мумкин. Йўловчиларга қулай бўлиши учун битта иқлим назоратига эга иқлим тизими ва иккиланган ойна ўрнатилган. Ихчам ва тежамкор автобус табиий газ (CNG) да ишлайди: CNG-1 тоифасидаги иккита баллондаги табиий газ ҳажми, 200 барк босимда 300 литр ёки 60 куб м.ни ташкил қилади, бу автобусга битта қуйишда 270 км. юриш имконини беради.

SamAutoънинг яқин истиқболдаги режалари

Самарқанд автомобиль заводи экологик тоза технологияларга сармоя киритишни давом эттириб, бозорнинг ўсиб бораётган эҳтиёжини қондириш учун маҳсулотлар ассортиментини кенгайтиради. Чунончи, яқин истиқболда SamAuto истеъмолчиларга автобусларнинг барча турларини, жумладан, дизель, газ ва электродвигателли моделларини таклиф этади. Бундан ташқари, ўз ривожланиш стратегияси доирасида, компания экспортни ошириб, барқарор транспорт инфратузилмасини яратиш бўйича халқаро лойиҳаларда қатнашишни режалаштирган.

Реклама ҳуқуқи асосида.