Россия суюлтирилган газ экспорти учун атом сувости кемаларини лойиҳалашни бошлади.
Суюлтирилган табиий газ (stg) Арктикадан Осиёга етказиб берилади. Курчатов номидаги Россиянинг етакчи ядровий тадқиқот институти директори Михаил Ковалчукнинг маълум қилишича, сувости кемаларидан фойдаланиш Шимолий денгиз йўли бўйлаб ташиш вақтини икки баробарга қисқартириши мумкин.
Ҳозирда Россияда танкерлар учун йўлни очиб берувчи музёрар кемалари етишмаяпти, бу эса муҳим таъминотни кечиктирмоқда. RBC нашрининг хабар беришича, лойиҳа рейслар давомийлигини 20 кундан 12 кунгача қисқартиришни ваъда қилмоқда. Унинг муаллифларига кўра, янги сувости кемалари 180 минг тоннага яқин суюлтирилган газ ташишга мўлжалланган ҳамда Арктикада музёрар ёрдамисиз бутун йил давомида ишлай олади.
Атом энергетикаси бўйича мутахассис Александр Никитин эса бу лойиҳанинг мақсадга мувофиқлигига шубҳа қилган. Норвегиянинг Тhе Barents Observer порталига берган интервьюсида у буни “ақл бовар қилмайдиган” деб атаган ҳамда Россия ҳатто оддий танкерлар ва юк кемаларини ҳам қуришга қодир эмаслигини айтган.
“Технология, иқтисодиёт ва саноатни жорий этиш бўйича ҳисоб-китоблар етарли эмас. Россияда оддий кема қуриш иншоотлари ҳам йўқ. Қисқаси, бу бемаънилик!”, дейди у.
Изоҳ (0)