Тармоқларда Тошкентга дам олишга келган россиялик “Lenta.ru” журналисти ва унинг шеригининг жасади меҳмонхоналардан бирида топилгани ҳақида хабарлар тарқалди.
Улар бадбўй газ ҳидидан заҳарлангани тахмин қилинмоқда. Воқеа содир бўлишидан олдин меҳмонхонадаги бассейн тозалангани айтилмоқда. Тозалаш давомида чиққан бадбўй газ хонага вентиляцион тизим орқали кирган бўлиши мумкин.
Бош прокуратура матбуот хизмати раҳбари Ҳаёт Шамсутдинов 47 ёшли журналист Инесса Паперная ва яна икки нафар шахснинг вафоти юзасидан жиноят иши қўзғатилганини маълум қилди.
Ўлимининг сабабини аниқлаш учун суд-тиббий экспертиза тайинланган.
Ҳозирда тергов ҳаракатлари олиб борилмоқда.
Изоҳ (0)