Бош вазир ўринбосари – иқтисодиёт ва молия вазири Жамшид Қўчқоровга “Ўзбекистон Республикасида хизмат кўрсатган иқтисодчи” фахрий унвони берилди. Бу ҳақда Президент матбуот котиби хабар берди.
Президент фармони билан ушбу мукофот давлат идораларидаги кўп йиллик самарали меҳнати, мамлакатимиз мустақиллиги ва унинг иқтисодий қудратини мустаҳкамлаш, молия тизимини халқаро андозалар асосида ривожлантириш ва янги босқичга кўтариш, муҳим дастурлар ва инвестиция лойиҳаларини муваффақиятли амалга ошириш борасидаги катта хизматлари, юртимиз тараққиёти ва халқимиз фаровонлигини юксалтиришга қўшаётган муносиб ҳиссаси, соҳада малакали кадрларни тайёрлаш йўлидаги ибратли фаолияти учун берилган.
Аввалроқ иқтисодиёт ва молия вазири Жамшид Қўчқоров Санкт-Петербург халқаро газ форумида сўзлаган нутқида Ўзбекистон 2027 йилда электр энергияси бозорига, 2028 йилда эса табиий газ улгуржи бозорига ўтиши кутилаётгани ҳақида айтган эди.
Изоҳ (0)