Маҳмуджон Якубов “Ҳудудгазтаъминот” АЖ бошқаруви раисининг газ сотиш ва инновацияларни жорий этиш бўйича биринчи ўринбосари этиб тайинланди.
Тайинловга қадар у “Ўзэнергоинспекция” Тошкент вилояти ҳудудий бошқармаси бошлиғи лавозимида фаолият юритиб келаётганди.
Якубовга қадар “Ҳудудгазтаъминот” бошқаруви раиси биринчи ўринбосари лавозимида 2019 йилдан буён Абдусамат Саидвалиев ишлаган. “Ҳудудгазтаъминот” жамоаси кўп йиллик хизмати, соҳа ривожига қўшган улкан ҳиссаси учун Абдусамат Саидвалиевга миннатдорчилик билдириб, уни нафақага кузатди.
2024 йилнинг июлида “Ҳудудгазтаъминот” бошқарув раиси этиб Маъруфхон Хўжаев тайинланганди. 2019 йилнинг июлидан унга Баҳодир Эшмуратов раҳбарлик қилиб келган.
Изоҳ (0)