Самарқанд вилоятда газ тақсимлаш қурилмаларида таъмирлаш ишлари юзасидан ўтказилган ўрганишда бир қатор камчиликлар аниқланди. Бу ҳақда “Ўзэнергоинспекция” ахборот хизмати хабар бермоқда.
-bbrvDnIu.jpg)
Инспекция томонидан Ургут туманида 9 та газ тақсимлаш пунктида тафтиш ишлари олиб борилмаган. Ўрганишлар вақтида газ тақсимлаш қурилмаларининг газ босимини бир меъёрда тақсимлаб бериш учун ўрнатилган регуляторда қувурлар монтаж қилинмаганлиги ҳамда уларнинг атрофи ўралмасдан, техник ҳолати қониқарсиз эканлиги маълум бўлган.
Ўрганиш давомида Паст Дарғом туманида аҳоли хонадонларини табиий газ билан таъминловчи Д-159 ммли бўлган ўрта босимли газ қувурининг 800 метр қисми реконструкция қилиш ишлар сифатсиз бажарилганлиги аниқланган. Шунингдек, “Чортут” маҳалласи ҳудудидан ўтаётган ҳар хил диаметрли газ қувурлари қаровсиз ҳолатда ва занглашга қарши ишлов берилмаганлиги, тиргаклари ўрнатилмаганлиги маълум бўлди.
Қўшимча қилинишича, мазкур таъмирлаш ишларида аниқланган камчиликларни бартараф этиш бўйича ҳудуддаги масъулларга кўрсатмалар берилган, унинг бажарилиши назоратга олинган.
Изоҳ (0)