Ливан пойтахти Байрутда ҳалок бўлган “Ҳизбуллоҳ” бош котибининг вориси Ҳошим Сафи ад-Диннинг жасадини топди. Бу ҳақда Аl Hadath хабар берди.
Жасад Эл-Мрейжи туманида Ливан фуқаро мудофааси хизмати ходимлари томонидан аниқланган. Марҳум 27 сентябрь куни Байрутда Исроил томонидан ўлдирилган Ҳасан Насруллоҳнинг ўрнига асосий даъвогар ҳисобланганди.
Манбалар у 3 октябрь куни бункерга берилган зарба оқибатида ҳалок бўлганини айтмоқда. Қутқарувчилар вайроналар остидан Сафи ад-Дин ўтказган йиғилишда қатнашган 23 нафар “Ҳизбуллоҳ” аъзосининг жасадини олиб чиққан.
1994 йилда Сафи ад-Дин ўша пайтгача бутун гуруҳни бошқарган Насруллоҳ ўрнига ижроия қўмитаси раҳбари бўлган. Аl Ghad нашрининг ёзишича, Насруллоҳ амакиваччасини 2008 йилдаёқ вафот этган тақдирида меросхўр сифатида тавсия қилган.
Al Arabiya нашрининг ёзишича, Сафи ад-Дин 30 йил давомида гуруҳнинг махфий ишлари билан шуғулланган ва умумий стратегияни ишлаб чиқишни Насруллоҳга топширган. У “Ҳизбуллоҳ”нинг сиёсий, ижтимоий, маданий ва маърифий фаолиятини назорат қилишда иштирок этган. 2017 йилнинг май ойида АҚШ ва Саудия Арабистони Сафи ад-Динни террорчилар рўйхатига қўшганди.
Изоҳ (0)