Бир неча йиллик танаффусдан сўнг яна экранларга қайтган жаҳон киноси юлдузлари (фото)

Машҳурлик ва шон-шуҳратга эришиш жуда қийин, лекин баъзида шу чўққида қолиш янада қийинроқ. Дарҳақиқат, жуда тез ўзгариб турадиган замонавий дунёда актёр бирданига унутилиб кетмаслик учун доимо омма эътиборида бўлиши муҳим.

Вайнона Райдер

Унинг актриса сифатидаги карьерасининг авжи 80-90 йилларнинг охирига тўғри келди. Вайнона бирин-кетин бош ролларни ижро этди, «Битлжуз», «Хавфли қизиқиш» ва «Эдвард — қайчиқўл» каби машҳур лойиҳаларда рол ўйнади. Бироқ 2001 йилда унинг муваффақияти пасайишни бошлади, гўё актриса актёрлик карьерасидан танаффус қилганга ўхшайди.

Аммо 4-мавсуми 2022 йил май ойида чиқиши керак бўлган «Ғаройиб иш» сериали экранларда пайдо бўлиши билан яна диққат марказда бўлди.

 Эдди Мерфи

Эддининг стендап комедиячи сифатидаги фаолияти 19 ёшида бошланган. Кейин катта экрандаги дебют фильми 80 йиллардаги «48 соат»да рол ижро этди, ундан кейин яна кўплаб ажойиб ролларни ўйнади. Карьерасидаги пасайиш 2011 йилда бошланди. Маълум бўлишича, танаффус эълон қилиши ҳақоратли мукофотлар ва «Олтин малина» номинацияларини кўпроқ олаётгани ва бу унинг ишига ёндашувини қайта кўриб чиқишга арзигулик белги деб ҳисоблагани билан боғлиқ.

Мерфининг кино саноатига катта қайтиши 2019 йил октябрь ойида у «Менинг исмим Доломейт» фильмида стендап комедиячи Руди Рей Мур ролида ўз аксини топди. Фильм танқидчиларнинг катта эътирофига сазовор бўлди ва ўз навбатида, актёр «Олтин глобус» мукофотига номзод бўлди.

Ченнинг Татум

Бундан 10 йил олдин Ченнинг ҳамманинг оғзидан тушмасди, унинг фильмографияси бирин-кетин муваффақиятли фильмлар билан бойиди. Кейинчалик вақт ўтиши билан машҳур лойиҳалар сони камайди, роллари асосан эпизодик бўлиб қолди.

Аммо 2022 йилда актёр яна эътирофга сазовор бўлди. Биринчидан, танқидчилар томонидан илиқ кутиб олинган «Лулу ва Бриггс» комедия-драма фильми чиқди. Унда у нафақат бош ролда, балки режиссёрлардан бири сифатида ҳам иштирок этган. Кейинги омадли фильм эса бош ролларни Сандра Буллок билан ўйнаган «Йўқолган шаҳар» саргузашт фильми бўлди.

Бен Аффлек

Аффлекнинг карьераси кўтарилиш ва пасайишларга бой. Дастлаб актёр «Ақлли Уилл Ҳантинг» ва «Армагеддон» каби фильмлари туфайли тезда машҳурликка эришди. Аммо кейин бир қатор муваффақиятсизликлар содир бўлди. Кейинчалик у ўзини «Шаҳар» ва «Оскар» олиб келган «Арго» фильмларида режиссёр сифатида синаб кўрди ва обрўсини тиклаб олди. Аммо яна омадсизликлар бошланди.

Тақдирнинг синовларига қарамай, Аффлек таслим бўлмади ва аста-секин фаолиятида давом этмоқда. Масалан, «Сўнгги дуэл» тарихий драмаси ва Жорж Клунининг 2021 йилда намойиш этилган «Нафис бар» фильми каби эътиборга молик лойиҳалардан бири ҳисобланади.

Жан-Клод Ван Дамм

Ван Дамм ўзининг биринчи тўлақонли ролини «Таслим бўлмаслик» фильмида ижро этди ва бу унинг карьерасидаги 80 йилларнинг охири ва 90 йилларининг тўхтовсиз хитлари учун бошланғич нуқта эди. Кейинчалик карьерасида пасайиш кузатила бошлади. 2000 йиллардаги кўплаб фильмлари энди аввалгидек омма эътиборини тортмай қўйди.

Аммо 2021 йилга келиб, актёр экранга қайтди. Прогнозларга кўра, 2022 йилда унинг исми энг юқори даромад келтирувчи фильмлардан бирига айланиши керак бўлган картина билан биргаликда янграши кафолатланмоқда. Гап «Минионлар: Грувитация» мультфильми ҳақида кетмоқда, унда актёр бош қаҳрамонлардан бирига овоз беради.

Дрю Берримор

Дрю Берримор биринчи марта 7 ёшида «Ўзга сайёралик» фильмида экранга чиқди. Шон-шуҳратининг чўққиси 90 йилларга тўғри келди ва 2000 йилларнинг бошларида бир қатор хитлар давом этди, кейин эса аста-секин сўна бошлади.

Аммо 2017 йилдан бошлаб Берримор яна ўз омадини топиб, «Санта Кларита парҳези» комедия сериалининг юлдузига айланди. Бундан ташқари, у муаллифлик ток-шоусида бошловчилик фаолиятини ҳам олиб боради.

Кемерон Диас

Кемерон 1994 йилда энг кўп даромад келтирган фильмлар ўнлигига кирган ва уни ҳақиқий юлдузга айлантирган «Ниқоб» фильмидан сўнг машҳур бўлиб кетди.

Бироқ 2012 йилдан бошлаб, актриса карьерасида бир қатор муваффақиятсизликлар бошланди. Деярли барча фильмлари, айниқса «Энни» картинаси жуда салбий изоҳларга эга бўлди, шундан сўнг актриса кинодан кетишини эълон қилди.

Бироқ тез орада «Шрек-5» мультфильмида актрисанинг овозини эшитиш мумкин бўлар балки. Актриса франшизанинг олдинги қисмларида малика Фионага овоз берган. Эҳтимол продюсер Крис Меледандри актрисадан бу сафар ҳам маликани жонлантириб беришини сўрар.