Келишган ташқи кўриниши ва жанг саҳналарини қойиллатиб ижро қилгани билан мухлислар қалбидан жой олган актёрларнинг қизлари ҳақида маълумот бериб ўтамиз.
Арнольд Шварсенеггернинг қизи Кетрин Шварценнеггер
Актёрнинг Мария Шрайвер билан турмушидан бўлган фарзандига гўзал табассум отасидан мерос. Журналистика факультетини битирган қиз гўзаллик ва саломатлик ҳақида подкастлар ёзади. 2018 йилда Крис Претт билан турмуш қурган Кетрин 2020 йилда фарзандли бўлган.
Сильвестер Сталлоненинг қизи Софи Сталлоне
Софи отасига қуйиб қўйгандек ўхшайди. Болалигида юраги икки марта операция қилинган қиз вояга етганида соҳибжамолга айланган. 2016 йилда «Рембо» фильмининг юлдузи қизил йўлакларда отаси билан бирга кўриниш бера бошлаган. Моделлик фаолияти билан шуғулланадиган қиз сериалларда фаол суратга тушади.
Долф Лундгреннинг қизи Ида Лундгрен
Ида актёрнинг биринчи турмушидан дунёга келган. Ота-онаси ажрашганига қарамай, қиз отаси билан яхши муносабатларни сақлаб қолган. Отаси каби ёрқин кўринишга эга бўлган қиз Лос-Анжелесдаги моделлик агентлиги эътиборини тортган. Суратга тушиб кўрган Ида актриса сифатида карьера қилишни истамайди.
Жан Клод Ван Даммнинг қизи Бянка Бри Ванн Дамм
Актёрнинг қизи Бянка унинг учинчи турмушидан дунёга келган. Болалигидан каратэ, кикбоксинг, бокс ва фигурали учиш билан шуғулланган қизга отасидан нафақат эътибор жалб қиладиган ташқи кўриниш, балки маҳорат ҳам мерос бўлган. Олимпиада ўйинларида конки учиш бўйича қатнашишни истаган қиз жароҳати сабаб режаларини ўзгартиришига тўғри келган. Кинода суратга тушиб кўрган қиз ижросидан кўра Instagram’даги фаоллиги сабаб машҳурликка эришган. У саҳифасида отаси бажарган трюкларни такрорлагани акс этган видеолар билан бўлишади.
Изоҳ (0)