Голливуд ва Болливуд — дунёдаги иккита энг йирик киносаноат. Одатда ҳинд киноси юлдузларининг америкалик ҳамкасбларини мақташи ва улар билан ишлашни орзу қилиши ҳақидаги гапларини эшитиб қоламиз. Бироқ Голливуд юлдузлари орасида ҳам Болливуд актёрларини яхши кўрадиган ва улар билан бирга ишлашни истайдиганлари бор.
Жан-Клод Ван Дамм — Айшвария Рай Баччан
Дунёдаги энг гўзал аёллардан бири Айшваря Рай Баччан ўзининг нафислиги ва истеъдоди билан кўплаб Голливуд актёрларини, жумладан, Жан-Клод Ван Даммни ҳайрон қолдирган. Актёр иштирокидаги “Универсал аскар”, “Кикбоксчи”, “Қалтис нишон” ва “Икки томонлама зарба” фильмлари бутун дунё бўйлаб машҳурликка эришди.
Актёр интервьюларининг бирида Болливуд актёрлари ҳақида берилган саволга ҳинд актрисаси Айшвария ва унинг гўзаллигини таърифлаб жавоб қайтарган.
“Болливуд ижодкорлари жуда кўп яхши фильмларни суратга олган. Мен ‘Девдас’ни қандай томоша қилганимни яхши эслайман ва Айшвариядан кўзимни узолмаганман. Ҳиндистонга бориб, у ерда фильм суратга олишни жуда хоҳлайман. Кўрамиз, бу борада нимадир қўлимдан келармикан”, — деган актёр.
Том Круз — Сонам Капур
Сонам Капур — энг гўзал ва маҳоратли ҳинд актрисаларидан бири. Том Круз Мумбайга ўзи иштирокидаги “Уддалаб бўлмас топшириқ-4” фильмининг махсус намойиши учун ташриф буюрганида, у ҳинд фильмларини яхши кўришини ва ижодкорлар билан бир фильмда ишлашни хоҳлашини айтган. Айтганча, Том Сонам Капурнинг ашаддий мухлиси. Улар 2009 йилда Мумбайда учрашишган.
Жерард Батлер — Приянка Чопра
Приянка Чопра 2000 йилда “Дунё гўзали” танловида ғолиб бўлганидан кейин бутун дунёни забт этди. Кейинчалик Болливуд ва Голливуд фильмларида суратга тушди. Вақт ўтиб у хонанда Ник Жонасга турмушга чиқди.
Бироқ 2009 йилда британиялик киноактёр Жерард Батлер Приянкани севиб қолган ва ҳатто актрисадан унга турмушга чиқишини илтимос қилган. Жерард Приянка АҚШда бўлган пайтда “қиз дўсти” у билан учрашиш учун ўз рейсини ўтказиб юбормоқчи бўлгани ҳақида сўзлаб берган.
Силвестр Сталлоне — Салмон Хон
Салмон Хон жанг ва драма жанридаги фильмлари билан машҳурликка эришган. У Болливудга бирин-кетин муваффақиятли блокбастерларни етказиб берди.
Кунларнинг бирида Силвестр Сталлонедан келажакда ким билан ишлашни хоҳлашини сўрашган ва у Салмон Хоннинг исмини тилга олиб, актёр билан биргаликда ажойиб жанговар фильмда суратга тушиши кераклигини айтган.
Дэниэл Редклифф — Шоҳрух Хон
“Гарри Поттер” фильми юлдузи Болливуд қироли Шоҳрух Хонни жуда яхши кўриши ҳақида тез-тез гапиради, чунки у Буюк Британияда машҳур ҳинд актёри ҳисобланади. Дэниэл Шоҳрух Хоннинг ашаддий мухлиси бўлиб, кийиниш услуби, актёрлик ва шахсият борасида ундан илҳом олади.
Ким Кардашян — Салмон Хон
Яна Салмон Хон. Бу унинг Голливуд юлдузлари орасида қанчалик машҳур эканлигини аниқ кўрсатади. Актриса ва реалити-шоу юлдузи интервьюларининг бирида Салмон ва Шоҳрух билан бирга ишлашни хоҳлашини айтган, бироқ унга кўпроқ Салмон Хон ёқади.
Кристен Стюарт — Ритик Рошан
Кристен Стюарт “Сумерки” франшизасидаги Белла Свон роли орқали бутун дунё бўйлаб машҳурликка эришди. Кунларнинг бирида у ўз интервьюсида агар ўғли бўлса, уни Осиёдаги энг келишган эркаклардан бири ҳисобланган Ритик Рошанга ўхшатишларини хоҳлашини айтган.
“Агар ўғлим бўлганида, унинг Ритик Рошанга ўхшашини хоҳлардим, бироқ унинг кўзлари (Роберт Паттинсон — актрисанинг партнёри) Робникидек бўлишини истайман”, — деган актриса.
Роберт Паттинсон — Шоҳрух Хон
Яна бир бор Шоҳрух Хон. Шоҳрух Хон Роберт Паттинсонни ҳам илҳомлантиради.
Роберт “Сумерки” лойиҳасидаги Эдвард Каллен роли билан танилган. Актёр “Ўғирланмаган келин”ни кўрганини ва уни Болливуддаги энг яхши фильмлардан бири деб билишини айтган.
“Шоҳрух билан Болливуд фильмида суратга тушишни хоҳлардим. У услубим тимсоли”, — дейди Роберт.
Изоҳ (0)