Машҳур голливуд актёри ва жанг санъати устаси Жан-Клод ван Дамм UFC чемпиони Ҳабиб Нурмагомедовнинг отаси Абдулманап Нурмагомедов ўлими юзасидан унинг яқинларига ҳамдардлик билдирди.
«Ака, сен билан ҳаётда учрашмаганман, бироқ ҳар доим муносиб ҳаёт йўлингни ҳурмат қилганман! Нариги дунёга саёҳатинг вақтида сен учун дуодаман. Аллоҳ руҳингни шод қилсин. Омин.
Ҳабиб Нурмагомедов, унинг оиласи ва UFC оламига ҳамдардлик билдириб қоламан», — дея ёзади актёр Instagram’да.
Абдулманап Нурмагомедов 2020 йилнинг апрелида пневмония ташхиси билан Махачқалъадаги шифохонага ётқизилганди. Кейинчалик Нурмагомедов Москвадаги касалхонага кўчирилди ва унда коронавирус аниқлангани маълум бўлди. Инфекция ортда қолган бўлса-да, мутахассис кома ҳолатидан чиқмади ва 3 июль куни 57 ёшида вафот этди.
Изоҳ (0)