Карьерасининг аввалида тунашга ҳам жойи бўлмаган Голливуд юлдузлари (фото)

Мухлислар, шон-шуҳрат, мўмайгина даромад — машҳур одамлар ҳаётда ҳамма нарсага эгадек туйилади. Аммо уларда ҳам шундай вақтлар бўлганки, ҳатто борадиган жойи, тунашга бошпанаси бўлмаган.

Женнифер Лопес

Мактабни тугатгандан сўнг Жей Ло Голливуд юлдузи бўлишга қатъий қарор қилади. Қиз ўз орзусини рўёбга чиқариш учун уйдан кетишга аҳд қилади, лекин ота-онаси уни қўллаб-қувватламайди. «Биласизми, мен коллежга боришни умуман хоҳламасдим, кун бўйи рақс билан шуғулланишни хоҳлардим, онам эса таълим олишимни талаб қиларди. Шунинг учун мен уйдан кетдим», — дейди юлдуз интервьюсида. Ота-онаси билан жанжаллашган Жей Лонинг борадиган жойи бўлмаган, биринчи ишига киргунга қадар рақс синфхонасидаги диванда тунаб юрган.

Дэниел Крейг

Британиялик актёр учун шон-шуҳратга эришиш осон бўлмаган. Карьерасининг бошида Дэниел кун кечириш учун арзимаган маошга ишлаган. Актёр вақти-вақти билан дўстлариникида, энг ёмон пайтларда эса уйсизлар учун бошпаналарда ва Лондон паркларидаги скамейкаларда ётиб юрган. Шундай қийинчиликларга қарамай, актёр умидсизликка тушмади. Охир-оқибат унга омад кулиб, таклифлар бирин-кетин кела бошлади.

Ҳолли Берри

Фаолиятининг бошида Ҳолли Берри уйсизларга мўлжалланган бошпаналарда кун кечирган. Ҳолли актриса бўлишни ва Нью-Йоркда ишлашни орзу қиларди, лекин унинг ҳеч кими ва ижарага пули ҳам йўқ эди. «Аввалига ишим ҳам, пулим ҳам бўлмаган. Мен 20 ёшда эдим — гўё бутун дунё оёғим остида эди, мен таслим бўлолмасдим», — дейди интервьюларидан бирида актриса. Биринчи муваффақиятсизликка қарамай, Ҳолли юлдуз бўлиш орзусидан воз кечмади, кўриб турганимиздек, ўз мақсадига эришди.

Жан Клод Ван Дамм

Лос-Анжелесга келган Жан Клод ўзи кутганидек тезда ишга кира олмайди. У уй ишларидаги ёрдами эвазига ётишга рухсат берган одамларнинг гаражларида тунашига тўғри келган. «Уй эгалари менга адёл ва ёстиқ беришарди. Булар қулайлик учун менда бор нарсалар эди. Уйғонишим билан тунаганим учун пул бериб, уйдан чиқиб кетардим. Кейин дарҳол янги кастингга борардим», — деб эслайди актёр журналистларга берган интервьюсида.

Сэм Уортингтон

«Аватар» фильмида Жейк Салли ролини ижро этишдан олдин актёр бор-будини сотиб, Австралиядан Америкага келган. Пули тезда тугагач, Сэм тунни машинада, кейин арзон меҳмонхоналарда ўтказиб юрган. «Аватар» фильмида суратга тушганидан ва гонорарни сезиларли даражада оширганидан кейин ҳам актёрнинг доимий яшаш жойи бўлмаган. «Мен пул сарфлашни хоҳламайман. Меҳмонхонадан меҳмонхонага кўчиб юришни яхши кўраман. Уйли бўлиш дегани телефон ҳисоблари ва мен хоҳламайдиган бўлмағур нарсаларга пул сарфлаш демакдир», — дейди Уортингтон интервьюсида.