Сурхондарё вилоятида бензинни кўрсатилган миқдордан кам берган АЁҚШнинг биржа савдоларида иштирок этиши вақтинча тўхтатилди. Бу ҳақда “Ўзэнергоинспекция” ахборот хизмати хабар бермоқда.
Ўрганишларда Сурхондарё вилояти Термиз шаҳрида жойлашган АЁҚШда истеъмолчиларга автобензинни тўла ҳажмда сотилиши намунавий ўлчагич ёрдамида ўлчаб кўрилганда, рухсат этилган меъёрдан ташқари ҳар 10 литрдан 0,100 литр кам қуйилаётганлиги маълум бўлган.
Мазкур ҳолат юзасидан қоидабузарликка йўл қўйган ушбу АЁҚШда камчиликлар бартараф этилгунга қадар биржа савдоларида иштирок этиши вақтинча тўхтатилган.
Аввалроқ Ўзбекистонда Аи-80 бензинини сотмасдан сақлаб турган заправкаларнинг биржа савдоларида иштирок этиши тўхтатилган эди.
Изоҳ (0)