Нигерия шимолидаги Жигава штатида ёқилғи ташувчи цистерна портлаши оқибатида камида 94 киши ҳалок бўлди, 50 киши жароҳатланди.
Маҳаллий полициянинг маълум қилишича, қурбонлар ва жароҳатланганлар сони дастлабки маълумотларга кўра тақдим этилган. Ҳалок бўлганларнинг кўпчилиги авария натижасида тўкилган ёқилғини йиғишга уринган.
CNN суҳбатдошига кўра, бахтсиз ҳодиса 15 октябрь куни Магжа шаҳрида содир бўлган. Ёқилғи цистернаси ҳайдовчиси бошқарувни йўқотиб қўйган, танкер ағдарилиб кетган ва ёнилғи ариққа тўкилган.
“Шундан сўнг маҳаллий аҳоли портлаш содир бўлган пайтда ёқилғини сақлашга шошилишди”, дея қўшимча қилган у.
Жигава полицияси вакилининг қайд этишича, “одамлар ҳалокат жойи атрофида тўпланиши оммавий қурбонларга сабаб бўлган.
Нигерияда ёнилғи танкерлари билан боғлиқ бахтсиз ҳодисалар тез-тез содир бўлади. Сентябрь ойида Нигер штатида юк машинаси йўловчилар ва чорва молларини олиб кетаётган юк машинаси билан тўқнашиб кетиши оқибатида 59 киши ҳалок бўлган эди. Федерал йўл хавфсизлик комиссиясининг ҳисоб-китобларига кўра, Нигерияда ҳар йили йўл ҳаракати қурбонлари 40,000 га яқинлашмоқда.
AFP маълумотларига кўра, мамлакат президенти Бола Тинубу 2023 йилда субсидияларни бекор қилганидан сўнг, Нигерияда бензин нархи беш баравар кўтарилиб, ёнилғи тақчиллигига олиб келган. Оқибатда авариялардан кейин аҳоли цистерналардан ёқилғини олишга мажбур бўлмоқда.
Изоҳ (0)