Андижон вилоятида тадбиркорнинг 3,9 млрд сўмлик ёнилғисини қўлга киритган МЧЖ аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, ўтказилган терговга қадар текширувда “А.Т.” МЧЖ раҳбари Д.Ю. (муқаддам судланган) “Ф.” МЧЖ билан нефть маҳсулотлари етказиб бериш бўйича тузилган шартномага асосан жами 3,9 млрд сўмлик А-95 маркадаги бензин ёнилғисини қабул қилиб олган. Ушбу маҳсулотлар сотувидан тушган маблағни шахсий эҳтиёжлари учун сарфлаб, ўзганинг жуда кўп миқдордаги мулкини ўзлаштирганлиги аниқланган.
Мазкур ҳолат юзасидан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
Изоҳ (0)