Немис тилини ўқитиш тизимини янада такомиллаштириш ҳамда ёшларни касбий таълимга йўналтиришга кўмаклашиш мақсадида Ўзбекистондаги профессионал таълим муассасаларининг 27 нафар немис тили ўқитувчиси Германияга юборилди. Бу ҳақда “Дарё” мухбири Азизбек Абдувалиев хабар бермоқда.
Олий таълим, фан ва инновациялар вазирлиги
Улар 8 ҳафта давомида Германиядаги тил ўқитиш марказида тил даражаси ҳамда касбий кўникмаларини оширишга мўлжалланган дастур асосида таълим олади.
Юборилаётган педагоглардан малака ошириш давомида интенсив тайёрлов курсларида фаол иштирок этиб, немис тилини ўқитишнинг энг сўнгги услублари, замонавий қўлланма ва дарсликлар билан ишлаш кўникмаларини шакллантиришлари кутилмоқда.
Ўқитувчилар Тошкент халқаро аэропортидан масъул ходимлар ҳамроҳлигида Берлинга йўл олди.
Изоҳ (0)