Самарқанд вилояти Паст Дарғом тумани, “Искандари” МФЙ ҳудудидан ўтувчи 4R46 автомобиль йўлида 4 октябрь куни соат 23:20 ларда ЙТҲ содир бўлди. Бу ҳақда Самарқанд вилояти ИИБ ЖХХ Йўл ҳаракати хавфсизлиги бошқармаси хабар берди.
Маълум қилинишича, йўл-транспорт ҳодисаси “ЗИЛ” юк автомашинаси ва “Жигули” ўртасида юз берган.
“ЗИЛ” мумкин бўлмаган жойдан қайрилиб, тўғридан келаётган “Жигули”ни ўтказиб юбормаган. ЙТҲ оқибатида “Жигули” ҳайдовчиси олган тан жароҳатлари сабаб воқеа жойида вафот этган.
Ҳозирда тергов ишлари олиб борилмоқда.
- Аввалроқ Самарқандда содир бўлган ЙТҲ оқибатида ҳайдовчи жароҳатлангани ҳақида хабар берилганди.
Изоҳ (0)