Қозоғистоннинг Ақтўбе вилояти Самара—Чимкент трассасида содир бўлган даҳшатли ЙТҲ оқибатида уч киши, жумладан, Ўзбекистон фуқароси ҳалок бўлди. Бу ҳақда Қозоғистон Ички ишлар вазирлиги хабар берди.
.jpg)
Ҳодиса 29 октябрь куни Самара-Чимкент автомобиль йўлининг 606-километрида содир бўлган. Кiа Rio машинасини бошқараётган 34 ёшли тожикистонлик ҳайдовчи 31 ёшли Ўзбекистон фуқароси бошқарувидаги Chevrolet Captiva автомобили билан тўқнашган.
Ҳодиса оқибатида иккала ҳайдовчи ва бир йўловчи воқеа жойида ҳалок бўлган. Шунингдек, автомашинанинг икки нафар йўловчиси турли тан жароҳатлари билан шифохонага ётқизилган.
Ўлимга олиб келган бахтсиз ҳодиса юзасидан Қозоғистон Жиноят кодексининг 345-моддаси 4-қисми билан терговга қадар тергов ҳаракатлари бошланган.
Қозоғистон ЖК 345-моддаси 4-қисмига кўра, автотранспорт воситасини бошқараётган шахс томонидан йўл ҳаракати ёки транспорт воситаларидан фойдаланиш қоидаларини бузиш, эҳтиётсизлик оқибатида икки ёки ундан ортиқ шахснинг ўлимига сабаб бўлса, беш йилдан ўн йилгача озодликдан маҳрум қилиш ёки етти йилгача муайян фаолият билан шуғулланиш ҳуқуқидан маҳрум қилишни назарда тутади.
Изоҳ (0)