Якшанба куни Туркияда йўловчи автобуслари билан иккита йирик ЙТҲ содир бўлди.
Биринчи фожиа Карс вилоятида юз берди. Ҳайдовчи бошқарувни йўқотиб қўйган ва автобус 50 метрлик қоядан қулаган. Етти киши ҳалок бўлди, яна 22 киши жароҳатланди. Автобус ичида фақат маҳаллий аҳоли вакиллари бўлгани айтилмоқда.
Шунингдек, Туркиянинг Алания шаҳрида ичида қозоғистонлик сайёҳлар бўлган микроавтобус аварияга учрагани ҳақида хабар берилганди. Автомобиль светофорда ўтиб кетаётган юк машинасига бориб урилган.
Ҳайдовчи ва гид ҳалок бўлган, 12 нафар йўловчи турли тан жароҳатлари билан шифохонага етказилган. Вазиятга ойдинлик киритиш учун Қозоғистон Республикаси консули воқеа жойига етиб борган.
Изоҳ (0)