Ўзбекистон фуқаролари 2021 йилда Россияда йўл-транспорт ҳодисаларини энг кўп содир этган хорижлик ҳайдовчилар орасида биринчи ўринни эгаллади. Бу ҳақда Россия ИИВ Хавфсиз йўл ҳаракати илмий маркази маълумотларига таяниб, «ТАСС» хабар берди.
Маълумотларга кўра, Ўзбекистон фуқароларининг айби билан 1290 та ЙТҲ содир этилган бўлса, Қирғизистон ва Тожикистон фуқаролари туфайли мос равишда 1092 ҳамда 894 та авария содир бўлган. Шунингдек, топ бешликдан Арманистон (417 та) ва Озарбайжон (346 та) ўрин олган.
Бундан ташқари, ўзбекистонликлар хорижлик таксичилар томонидан содир этилган ЙТҲлар сони бўйича ҳам учинчи ўринни эгаллаган. 2021 йилда улар 95 та йўл-транспорт ҳодисасини содир этган.
МДҲга аъзо давлатларнинг ҳайдовчилар орасида авария оқибатларининг оғирлиги бўйича энг юқори кўрсаткични Қозоғистон ва Беларусь, МДҲга аъзо бўлмаган давлат орасида эса Туркия фуқаролари эгаллаган.
Россия ИИВга кўра, 2021 йилда хорижликлар айби билан содир этилган ЙТҲлар сони ортган. 5 мингдан ортиқ шу каби авариялар қайд этилган бўлиб, бу 2020 йилга нисбатан 5 фоизга кўм демак. ЙТҲлар оқибатида 431 киши ҳалок бўлган, 6 709 киши жароҳатланган.
Бундан олдин, Россияда 36 ёшли ўзбекистонлик 2 ой ичида йўл ҳаракати қоидаларини 131 марта бузгани маълум бўлганди.
Изоҳ (0)