Қозоғистоннинг Оқмўла вилоятида кўришнинг нолга тенглиги сабабли 15 та машина иштирокида йўл транспорт ҳодисаси содир бўлди. Бу ҳақда Нур.кз хабар берди.
Ҳодиса 14 январь куни маҳаллий вақт билан соат 12:20 да Остона-Петропавловск трассасида содир бўлган. ЙТҲ оқибатида ҳалок бўлганлар ва жароҳатланганлар йўқ. Дам олиш кунлари Оқмўла вилоятидаги ноқулай об-ҳаво шароити туфайли полиция 600 га яқин автомобилни кузатиб қўйган.
“Полиция фуқаролардан белгиланган тезлик, интервал ва масофага риоя қилишга, шунингдек, фавқулодда хизматларнинг йўл ҳаракати чекловлари ҳақидаги хабарларини диққат билан кузатишга ва ёмон об-ҳаво шароитида аҳоли пунктларидан ташқарига чиқмасликка ҳаракат қилишга чақиради. Шу тариқа сиз ўзингизнинг ва йўловчиларингизнинг ҳаётини хавфсиз сақлайсиз”, — дейди полиция департаменти.
Изоҳ (0)