“Интер Майами” MLS’нинг навбатдаги турида “Коламбус Крю”ни 3:2 ҳисобида мағлуб этди. Бу натижа жамоага “Мухлислар қалқони” кубоги соҳибига айланиш имконини берди.
“Интер Майами” навбатдаги мавсум якунланишига икки тур қолганда 68 очко жамғарган ва энг яқин рақибини 11 очкога ортда қолдирган ҳолда Шарқий конференцияда пешқадамлик қилмоқда.
Учрашувда аргентиналик ҳужумчи Лионель Месси дубль қайд этган бўлса, уругвайлик Луис Суарес яна бир голга муаллифлик қилди.
Пенальтини аниқ амалга оширган Диэго Росси ва Кучо Эрнандес “Коламбус Крю” дарвозасини ишғол қилишди. Эслатиб ўтамиз, 63-дақиқадан бошлаб Руди Камасо майдондан четлатилганидан кейин мезбонлар озчиликда ўйнади.
“Мухлислар қалқони” кубоги КОНКАКАФ Чемпионлар Лигасига йўлланма беради. Бир йил олдин Месси ва унинг жамоаси MLS плей-оффига ҳам чиқа олмаганди.
Навбатдаги ўйинида “Интер Майами” “Торонто”га қарши майдонга тушади.
Изоҳ (0)