Бугун, 14 август куни MLSънинг амалдаги чемпиони “Коламбус Крю” ва жорий мавсум етакчиси “Интер Майами” ўртасидаги Лига кубоги 1/8 финали ўйини якунланди.
Учрашув 3:2 ҳисобида мезбонларнинг ғалабаси билан якунланди. Шу тариқа, “Коламбус Крю” турнирнинг чорак финалига чиқди.
Ўйинда мезбонлар ҳужумчиси Диэго Росси дубль қайд этди. Яна бир голни Кристиан Рамирес киритди. “Интер Майами” сафида Матиас Рохас ва Диэго Гомес гол урди, уругвайлик ҳужумчи Луис Суарес эса голли узатмани амалга оширди.
“Интер Майами” ҳужумчиси Лионель Месси учрашувни ўтказиб юборди. 36 ёшли аргентиналик футболчи бир ой аввал Колумбия билан Америка кубоги финал учрашувида (1:0) ўнг тўпиғидан олган жароҳатидан ҳалигача тузалмаган. Ўшандан бери Месси “Интер Майами”даги жамоадошлари билан машғулот ўтказгани йўқ.
Лигалар кубоги — MLS ва Мексика Лига клублари ўртасидаги турнир. Турнирнинг чорак финал ўйинлари шанба ва якшанба кунлари бўлиб ўтади.
Ўтган йили Месси “Интер Майами”га айнан мана шу турнирдаги илк совринини қўлга киритишига ёрдам берган эди.
Лигалар кубоги
Нимчорак финал
14 август, чоршанба
“Коламбус Крю” — “Интер Майами” 3:2
Голлар: 0:1 — Рохас (10), 0:2 — Гомес (62), 1:2 — Рамирес (67), 2:2 — Росси (69), 3:2 Росси (80).
Изоҳ (0)