Португалиялик ҳужумчи Криштиану Роналду Халқаро футбол тарихи ва статистикаси федерацияси (IFFHS) маълумотларига кўра, футбол тарихидаги фаолияти давомида юқори даражадаги 600 та турли ўйинда гол урган биринчи футболчи бўлди.
Бу Саудия Про Лигасининг 6-туридан ўрин олган “Ал-Оруба” билан ўйинда (3:0) юз берди.
Роналдунинг энг яқин таъқибчиси аргентиналик ҳужумчи Лионель Месси 556 ўйин мавжуд. Кучли учликни Ромарио якунлаб турибди (479).
Ҳозирда Роналдунинг голи 900 тадан ошди.
Маълумот учун, Криштиану Роналду Осиё Чемпионлар Лигасининг 2-турида Қатарнинг “Ар-Райян” жамоасига қарши ўйинда урган голини марҳум отасига бағишлагани хабар қилинганди.
Роналду “Ан-Насср”да 2023 йилдан буён ўйнаб келмоқда. Футболчининг клуб билан шартномаси 2025 йилгача мўлжалланган. Айни дамда футболчининг трансфер қиймати 15 миллион еврога баҳоланмоқда.
Изоҳ (0)