“Атир — бу кўринмас, аммо унутилмас, беқиёс мода аксессуари. У аёл кетганида ҳам уни эслатиб турадиган ташриф қоғозидир”, деган эди Коко Шанель. Парфюмерия воситалари дидни белгилаб бериши, шу билан бирга, уни танлаган инсон ҳақида кўп нарсаларни айтиб бериши мумкин.
Қуйида ифори узоқ вақт давомида сиз билан қоладиган энг барқарор 5 та атирни кўриб чиқамиз.
Chloe Eau De Parfum Intense
Ушбу ифор куз ва қиш мавсуми учун махсус яратилган шоҳона атирдир. Ундан таралган ифор атиргуллардан иборат боғини ёдга солувчи нозик бўлиб, аёллик назокати ва нозик услубини ўзида мужассам этган.
Парфюмдан тараладиган хуш бўйлик ўткир ва кучли эмас. Атир қишда фойдаланиш учун мосдир, ифор узоқ муддат ўз таъсирини йўқотмайди ва терида 8 соатгача қолиши мумкин.
Kenzo Jungle LʼElephant
Ушбу шарқона ифор Kenzo Jungle LʼElephant парфюми ўзида турли ноёб ҳидларни бирлаштиради. Бу том маънода баҳор, гўзаллик, табиатнинг янгиланиши ва аёлликни тараннум этувчи ифорларга эга атир ҳисобланади.
Бетакрор композиция аввалига ўзига хос ширали мандарин, хушбўй чиннигул ва кардамон ифорини таратади, сўнг ундан ширин ванил ҳидини эслатувчи гелиотроп, манго, иланг-иланг ўсимлиги таралади.
Sisley Eau du Soir
Eau du Soir eau de парфюми ўзининг бадга урмайдиган хушбўйлиги, олтин ранг билан безатилган ажойиб дизайни билан узоқ йиллар давомида аёлларнинг қалбини забт этиб келмоқда. Ушбу классик парфюм Sisley номли машҳур француз бренди томонидан 1990 йилда яратилган.
Ёрқин парфюмерия композицияси бир зумда тропик ифорни ҳис этишингизга ёрдам беради ва қиш фасли ва чарчоқдан кейин кўнгилни кўтарувчи атир сизга яхши кайфият бағишлайди. Мазкур атир аввалига ўзидан цитрус меваларининг, хусусан, мандарин ва грейпфурт исини таратади, сўнг ифор чиннигул ва арча тароватига ўзгаради.
Guerlain Shalimar
Guerlain Shalimar парфюмерия оламининг ҳақиқий классикаси ва афсонасига айланди. У 1921 йилда яратилган ва 1925 йилда Париждаги Grand Palais Universal кўргазмасида намойиш этилган.
Малика Мумтоз Mаҳал ҳақидаги ҳикоя ушбу атир яралиши учун илҳом манбаи бўлган. Малика учун Шоҳжаҳон Тож Маҳални қурдирган бино олдидаги Шалимар боғлари “севги дунёси” деган маънони англатади.
Ушбу ажойиб атир ифори аста-секин таралади. Аввалига ундан бергамот, цитрус ва садр дарахтининг иси таралади, сўнг парфюм атиргул ва нафис ясмин гули ҳидлари билан уйғунлашади.
La Prairie Silver Rain
Швейцариянинг La Prairie савдо уйига тегишли ушбу парфюм 2004 йилда ишлаб чиқарилган. Мафтункор кумуш томчи шиша шаклидаги мазкур атир ҳашамат ва эксклюзивликни ўзида мужассам этади. Деярли афсонавий мақомга эришган бренд нафақат ўзининг косметикаси, балки парфюмерия коллекцияси билан жаҳон бозорида муваффақият қозонган.
Атир бергамот, яшил олма, кинза, лимон, магнолия, мускус ва ясмин гули каби ифорлар комбинациясини ўз ичига олади.
Изоҳ (1)
Assalomu aleykum narxi qancha ekan bu atirlarni