Барча сингари машҳурлар ҳам фарзандини ҳар томонлама таъминлаган ҳолда катта қилишни афзал билади ва деярли ҳеч нарсадан рад этмайди. Улар энг яхши болалик хотиралари қолиши учун фарзандларига ҳамма нарсани муҳайё қилади.
Ҳарпер — Девид ва Виктория Бекҳэмнинг қизи
Ўғил фарзандлардан кейин узоқ кутилган қизалоқ дунёга келганда Бекҳэмлар оиласи қувончи кўкка етган. Ҳозирда уларнинг қизи Ҳарпер 13 ёшда ва у ҳақиқий мода маликасига айланиб бормоқда. Ҳарпер барча бадавлат оила қизлари сингари муносиб совғаларни қабул қилади. Масалан, Девид Бекҳэм қизига Goyard француз брендидан 3000 долларлик сумка ҳадя қилган.
Псалм — Ким Кардашян ва Кане Уэстнинг ўғли
Тадбиркор ва шоу-бизнес олами юлдузи Ким Кардашян нафақат ўзига, балки фарзандларига нисбатан тежамкор бўлишга одатланмаган. Шунинг учун янги Tesla Cybertruck сотувга чиқиши биланоқ юлдуз дарҳол ушбу машинани сотиб олди. Бундан ташқари, у ўғлини ҳам унутмади ва Псалмнинг бувиси Крис Женнер набирасига атаб 1500 долларга ҳашаматли Tesla Cybertruck машинасининг мини-версиясини совға қилди.
Калчер ва Уэйв — Карди Бининг фарзандлари
Оиланинг даромади қанча эканини ҳамёнига қарамай қандай аниқлаш мумкин? Албатта фарзандлар туғилган кунига берган совғасига қараб. Мисол учун, Карди Би болаларининг таваллуд кунида ҳеч қачон пул тежамайди: шахсий самолётда учиш, улкан торт ва ширинликларга буюртма бериш ва юзлаб меҳмонлар учун дастурхон безаш хонанда учун байрамнинг ажралмас бир қисмидир.
Сторми — Кайли Женнернинг қизи
Қизалоқ Сторми келажакда онаси каби гўзаллик саноатида ишлайди, дея тахмин қилиш мумкин, чунки Кайли бу борада қизидан доимо ёрдамини аямайди. Қимматбаҳо бренд кийимлар, олмосдан ясалган заргарлик буюмлари, ҳашаматли ўйинчоқлар ва машиналар тўплами — буларнинг барчаси Сторми учун одатий ҳол. Масалан, куни кеча Женнер қизига Ҳермес брендидан салкам 12 минг долларлик сумка совға қилди.
Монро ва Мороккан — Мерайя Керининг фарзандлари
Бир неча йил олдин хонанда ўзининг Монро ва Мороккан исмли фарзандларига ҳақиқий ширинликлардан иборат хонани совға қилди! Эгизаклар турли қандолат маҳсулотлари билан тўлдирилган хонани завқ билан кутиб олишди.
Индия Роуз, Саша ва Тристан — Крис Ҳемсвортнинг фарзандлари
Ҳемсвортнинг меросхўрлари жуда фаол ҳаёт тарзини кечиради. Актёр балки болаларини бренд товарлар билан сийламас, аммо улар билан тез-тез саёҳат қилишга одатланган. Улар оилавий от ёки делфин миниш, очиқ океанда сузиш, тоғларга чиқиш ва бошқа кўплаб қизиқарли машғулотлар билан шуғулланади. Актёр унинг барча оила аъзолари шундай фаол ҳаёт тарзини олиб бораётганидан фахрланади, чунки Ҳемсвортлар аллақачон дунёнинг ярмини кезишга улгурган.
Тру ва Татум — Хло Кардашяннинг фарзандлари
Хло Кардашян фарзандлари туғилиши билан улар онаси каби ҳашаматли ҳаёт кечириши шарт деб ҳисоблайди. У Dior брендидан 4000 долларга болалар аравачасини харид қилган. Кичкина Татум ўзининг қимматбаҳо “машинасида” сайр қилар экан, унинг опаси Тру энг яхши мода уйларининг замонавий либосларида юради.
Изоҳ (0)