Кўплаб гўзаллик танловлари ғолиби Нигина Фахриддиnova YоуТубе’даги “Дарё” Lifestyle каналига берган интервьюсида унинг муваффақиятга эришишига сабабчи бўлган оғриқли болалик хотиралари ҳақида гапирди.
— Ҳамиша бирор ютуққа эришганимда болалигим билан боғлиқ оғриқли ҳаётим кўз олдимдан ўтади. Ҳаётий тажрибам давомида билдимки, ҳаётда муваффақиятга эришган кўплаб инсонлар болалагида руҳий травмалар олган экан. Бундай инсонлар шоу-бизнесда ҳам кўп. Чунки болалик травмалари бор инсонларнинг аксарияти эътиборсиз муҳитда, ўзини керакциздек ҳис қилиб яшаган бўлишади.
Аммо бундай инсонлар орасида қийинчиликка осонгина таслим бўладиганлар, энди хоҳлаганимча яшайман, дейдиганлар ҳам йўқ эмас. Қайси вақтда ўзимда куч топиб “Мен тўғри яшашим ва муваффақиятга эришишим керак”, деган мақсад қўйганимни билмайман. Осон йўл билан нимагадир эришишни хаёлимга ҳам келтирмаганман. “Бой одамга турмушга чиқаман ва у ҳамма нарсамни қилиб беради”, деган фикр ҳам хаёлимдан ўтмаган. Уй-жойсиз қолиб кетганимизда онам ҳамиша бор умиди фақат мен эканлигини айтарди.
Болалик йилларимни соғинаман, аммо кўзим ҳам ёшланади. Ўгай отамнинг руҳий босими, танамга етказилган зўравонлик ва атрофимдаги инсонларнинг ишончсизлиги мени қийнарди. Ҳар нарсага қизиқардим ва атрофимдаги инсонлар менга ишонишларини истардим. Аммо ҳамиша бунга ўргатгандан фойда йўқ, ким ҳам бўларди, деган камситишларни эшитардим. Энг алам қилгани, ўгай отамга қўшилиб, онам ҳам менга ишонмасди.
Ҳозир ўйлаб қўрқиб кетаман, ёш бўла туриб ўзимни ўлдиришга қандай куч топган эканман, дейман. Бу худди стаканга сув тўлишига ўхшайди. Йиллар давомидаги алам, камситилишлар сабр косасини тўлдиради ва бир куни инсон шардек портлайди. Сабабини билмайман, аммо ўгай отам мени ҳамиша келажакда бузуқ бўлиб кетишим ҳақида тахмин қиларди.
Шундай вазиятларда ўз отам қўнғироқ қилишини ва мени қўллаб-қувватлашини кутардим. Аммо у Россияда бўлгани учун онда-сонда телефон қиларди, холос. Ёш бола бўлганим учун ўз отамнинг олдига боришга имконим йўқ эди.
Анча вақтгача ўгай отамдан нафратланиб юрдим. Аммо ҳозир у кишидан миннатдорман. Қаттиққўллик қилгани учун яхши тарбия кўргандирман, ҳаётда курашиб яшашга иммунитетим ҳосил бўлгандир, дейман.
Бошимга сантехника ускунаси билан урганидан кейин оғир операцияни бошдан кечирдим. Шундан кейин онам у инсон билан яшашни истамади. Биз Тошкентга келдик, аммо кейин ўгай отам бежиз бундай қаҳрли бўлмаганини англадим. Унинг ўзи ҳам қийинчиликда улғайган ва унда ҳам болалик билан боғлиқ травмалар бор экан. Ҳозир ўгай отам билан илиқ муносабатдамиз, уни аллақачон кечириб юборганман. Дастурхонидан ош-туз бергани ва улғайтиргани учун фақат раҳмат айтаман, дейди профессионал модел Нигина Фахриддинова.
Изоҳ (0)