Қалин, узун, қоп-қора ва қайрилган — аёлларнинг онгида мукаммал киприклар шундай кўринишга эга. Marie Claire нашри бундай мукаммалликка эришиш учун бир нечта лайфхаклар билан бўлишди.
Туш бир текисда суртилиши учун киприклар бутунлай тоза бўлиши керак. Кўз қовоқларининг териси юмшатилиб, уларга намловчи таркибий қисмдан бир томчи қўллаш мумкин.
Махсус киприк қайирувчи восита узоқ вақт давомида киприкларга чиройли кўриниш имконини беради. Улар профессионал визажистларнинг севимли воситасидир. Фақат улардан тўлиқ тозалангандан кейин фойдаланиш мумкин, акс ҳолда киприклар шикастланиши, ҳатто синиши мумкин.
Туш қўллашдан олдин киприкларга суртиладиган шаффоф упа узун ва қалин киприкларни ҳосил қилишга ёрдам беради. Мутахассисларнинг ушбу махфий техникаси, айниқса, сийрак ва калта киприк эгалари учун айни муддао.
Энг яхши таъсирга эришиш учун бир вақтнинг ўзида икки турдаги тушдан фойдаланиш мумкин. Биринчи киприкларга узайтирувчи, кейин ҳажм берувчи тушдан суртиш тався этилади.
Киприк бўяшни уларнинг илдизидан бошлаш керак. Эҳтиёткорлик билан толаларнинг илдизларини бўяб, сўнгра буриш ҳаракатлари билан учлари томон суртилади. Бир-бирига ёпишиб қолмаслиги учун чўткани киприкларга ботириб ҳаракатлантириш керак.
Максимал ҳажмни яратиш учун қуйидагиларни синаб кўриш тавсия этилади: туш чўткаси янги бўялган киприкларнинг энг учида бир зум ушлаб турилади. Исталган натижага эришгунча ушбу ҳаракатни такрорлаш мумкин.
Агар киприклар бир-бирига ёпишган бўлса, уларни махсус тароқ ёки эски тушдан қолган чўтка билан ажратиш мумкин.
Изоҳ (0)