Шайха Моза бинт Носир ал-Миснид Қатарнинг учинчи амири Шайх Ҳамад ибн Халифа ал-Танийнинг иккинчи аёли, етти (!) фарзанднинг онаси, дунёдаги энг замонавий биринчи хоним, сиёсий ва ижтимоий фаол давлат арбобидир.
Моза хоним таълим ва маданият жамғармаси раиси, турли хайрия ташкилотлари раҳбари ва шунчаки гўзал аёл сифатида танилган. Wday нашри шарқ гўзаллиги ва мода тимсоли Моза хонимнинг нафосат сирлари ҳақида маълумот берди.
Қатиқли ниқоб
Айтишларича, шайха Моза юз ва тана парвариши учун фақат табиий ва органик моддалардан тайёрланган косметика воситаларидан фойдаланади. Масалан, у ҳафтасига икки марта сочига қатиқли ниқоб суртади. Ниқоб учун уй шароитида тайёрланган табиий ва ёғли қатиқдан фойдаланилади.
Табиий бўёқлар
Кўпчилик шарқ аёллари, жумладан, Моза хоним ҳам табиий тусдаги соч рангини маъқул кўради. У зарарли кимёвий бўёқларсиз жигарранг сочларга эга бўлиш учун хина ёки басмадан фойдаланади. Бундай бўёқларни қандай натижа кераклигига қараб 5 дақиқадан 8 соатгача сочда ушлаш мумкин. Асосий қоида — сочларни шампун билан эмас, илиқ сувда ювиш керак бўлади.
Арган ёғи
Арган ёғи араб давлатларида кенг тарқалган мой бўлиб, уни таомларга, юз териси ва соч парваришига қўллайдилар. Шампунга қўшилган бир неча томчи арган ёғи сочларга жило беради, ундан тайёрланган ниқоб таркибидаги E витамини сабабли юзни намлантиради ва фойдали озиқ-моддаларга терини тўйинтиради.
Атиргул суви
Шарқ аёлларининг аксарияти юзни намлантирувчи ва тозаловчи тоник ўрнига атиргул сувидан фойдаланади. Атиргул суви юзга тетиклик беради, унинг мойидан қадимги маликалар атир сифатида фойдаланишган.
Иссиқ ҳаммом
Доимий иссиқ ҳаммомдан фойдаланиш қон айланишини яхшилайди, мушак ва суяклардаги оғриқларни камайтиради ва ҳатто ортиқча вазндан халос бўлишда ҳам ёрдам беради. Терини чуқур тозалаш учун кофедан тайёрланган табиий скрабдан фойдаланади.
Изоҳ (0)