Баҳор келди, шундай экан гардеробингиздаги замонавий палто ва тренчларни олиш, қишки атирларни эса енгилроқ ва ёқимли ифорлиси билан алмаштириш керак. Баҳорда гуллар, тозалик, баҳорий кайфиятга мос ифорли атирларни танлаган маъқул. The Voice нашри энг яхши баҳорий атирлар ҳақида маълумот берди.
Splendida Magnolia Sensuel, Bvlgari — хушбўй гуллар ифори
Бу том маънода баҳор, гўзаллик, табиатнинг янгиланиши ва аёлликни тараннум этувчи ифорларга эга атир ҳисобланади. Мафтункор композиция магнолия, апелсин гули ва жасмин ифорини ўзида мужассамлаштиради, аккорди эса энг нозик дақиқаларни эслатади.
№ 9, Press Gurwitz Parfumerie – цитрус мевалар ва сандал дарахти ҳиди
Цитрус мевалар, сандал ва садр — иш куни учун ажойиб комбинация. Атир, шубҳасиз, қувноқ ва баҳорий ифорга эга, аммо ёқимли ноталар унга қатъийлик беради, бу ишингизга ҳам яхши таъсир кўрсатади. Атир атрофингиздаги бошқа инсонларга халақит бермайди.
Rosa&Almond, Giardino Magico — нафис ифор
Magicо атири нафис ва мулойим ифорга эга. Ушбу параметр ширин ҳид ва тозалик ўртасидаги мувозанатни қидираётган аёлларга ёқади. Атирдан атиргул ва бодомнинг ёрқин ифори келади, шунинг учун ҳид бир вақтнинг ўзида ҳам ипак, ҳам бахмалдек янграйди – шунчаки синаб кўринг ва баҳорий кайфиятни янада яхши ҳис этинг.
Pink Pepper, Elemi, Cinnamon, Leather, Zielinski va Rozen — ўзгача ифорга эга бўлган атир
Исроил брендининг янги атири Эрез Розеннинг Европадаги саёҳатига бағишланган. Композицияси жуда замонавий, динамик ва қулай ифорга эга. Бу ўзгача ифор янгиликни синаб кўришни яхши кўрадиган аёллар учун яхши вариант бўла олади.
Vesper Glitz, Ex Nihilo — бахт ифори
Композициянинг марказида хушбўй мимоза бор, шунингдек, атир жасмин, мандарин ва нероли ифорларини ҳам ўз ичига олади. Хушбўй ҳид инсонни завқлантиради, ушбу атирнинг ифори атрофдагиларга ҳам ёқади.
E-Motion, Darling — ёқимли тропик ифор
Ёрқин парфюмерия композицияси бир зумда тропик ифорни ҳис этишингизга ёрдам беради ва қиш фасли ва чарчоқдан кейин кўнгилни кўтарувчи атир сизга яхши кайфият бағишлайди. Анжир, ром, баъзи дарахтларнинг ифори, пачули — буларнинг барчаси бирлашиб ёқимли ифорни ҳосил қилади.
Таlcо, New Notes — тозалик ифори
Пудра, атиргул ва ирис, буларни аралаштириб бўлмайди, бироқ Талcо атири шу ифорларни ўзида ажойиб равишда мужассамлаштиради. Бренд вакилларининг таъкидлашича, атирдан чақалоқларнинг ёқимли ифори келади, хушбўй ҳид мутлақо нейтрал — унда вакуумдаги тозаликнинг ифори бор. Бу шунчаки пудра ва талкнинг ажойиб аралашмаси ва ҳар бир кун учун идеал ифор.
Vanile Eau de Parfum, Place des Lices — баҳорнинг ширин ифори
Цитрус мева ва қулупнайли композицияда ушбу компонентларнинг барчаси мавжуд, бироқ уларнинг уйғунлиги ифорни алоҳида ҳис этишга имкон бермайди. Ушбу хушбўй атир ёз учун ҳам яхши танлов бўла олади.
Jasmine-Immortel-Neroli, L’Occitane
Танқидчилар гурман хушбўй ҳидларни хоҳлаганча қоралаши мумкин, бироқ биз уларни ҳали ҳам яхши кўрамиз. Биз ҳам сизни бошқаларнинг фикри билан ўз дидингиздан воз кечмасликка чақирамиз, чунки хушбўй ҳид биринчи навбатда сизга ёқиши керак. Агар янги пишган ширинликларнинг ҳидини яхши кўрсангиз, ушбу атир албатта сизга мос келади. Бундан ташқари, атирдан гурман нероли, асалнинг ёқимли ифори келиб туради.
Heretic Gardenia, ҳаёт дарахти — хушбўй ифор
Композиция апелсин гули, гардия, оқ пион ва мускат ёнғоғининг ифоридан ташкил топган ва энг яхши томони шундаки, хушбўй ҳид, ўзининг мураккаблигига қарамай, ҳамманинг дидига мос келади, ҳар бир киши унда ўзига хос ҳидни ҳис этади.
Изоҳ (0)