Атир — бу образни тафсилоти бўлиб, у ўз эгасининг характери ва услуби билан органик тарзда бирлашиши керак. Marie Claire нашри хушбўй ифорнинг сизга мос келганини билдирувчи энг аниқ белгиларни маълум қилди.
Агар ҳақиқатан ҳам хушбўй ҳидлар ёқса, у ҳар қандай аёлнинг косметик жавонида бўлиши эҳтимоли катта. Аммо келажакда ундан фойдаланиш — бу бошқа савол. Севимли ифорлар кўп бўлиши мумкин, лекин мос келадиганларини топиш қийин.
Ҳар сафар ёқтирган атирдан фойдаланганда эйфорияни ҳис қиласиз
Бу нафақат урфга кирган атирларга нисбатан, балки хушбўй ифорларда ҳам юз беради. Эҳтимол, у илиқ хотираларни уйғотар ёки аксинча, шу пайтдан бошлаб ҳаётида янги саҳифа очилаётганини аниқ кўрсатиб бериши мумкин. Оддий қилиб айтганда, у қалбда кучли акс садо бериши билан бирга, кайфиятга ҳам ижобий таъсир ўтказади.
Уни қўллагандан сўнг ҳидни деярли сезмай қоласиз
Тўғри танланган хушбўй ҳиднинг ишончли белгиси унинг ҳидини тана эритиб юборишидир. Бундай ҳолда, атирни терига суртишда уни ҳис қилиш тезда тўхтайди. Чунки у том маънода тана билан бирлашади ва мукаммал комбинацияни яратади. Агар шундай бўлса, атир айнан сиз учун мукаммал ифор ҳисобланади.
Атир нафақат ўзингизга, балки атрофдагилар учун ҳам маъқул келади
Учинчи белги — илтифот. Кўпинча шундай бўладики, агар одамлар ўзлари ёқтирган хушбўй ҳидни ҳис қилса, улар атир эгасига илиқ сўзлар ва илтифот билдиришда ўзини тўхтата олмайди. Албатта, атир ўз эгасининг образи билан мукаммал уйғунликни ҳосил қилса, буни билдирмасликнинг иложи йўқ. Ҳар қандай тўғри танланган атир атрофдагиларда ҳам яхши таассурот уйғотади.
Умуман трендда бўлмаган атир сотиб олиш ниятидасиз
Атир танлашда тенденцияларга эмас, балки ўзингиз ёқтирган нарсага амал қилинг. Чунки инсон ҳис-туйғуларини ўзидан бошқа ҳеч ким яхши тушунмаслиги мумкин. Демак, атир танлаш каби нозик масала ҳам тенденцияларга бўйсунмаслиги керак. Инсоннинг ҳиссиётлари эса бу борада алдамаслиги шубҳасиз.
Изоҳ (0)