“Atir — bu ko‘rinmas, ammo unutilmas, beqiyos moda aksessuari. U ayol ketganida ham uni eslatib turadigan tashrif qog‘ozidir”, degan edi Koko Shanel. Parfyumeriya vositalari didni belgilab berishi, shu bilan birga, uni tanlagan inson haqida ko‘p narsalarni aytib berishi mumkin.
Quyida ifori uzoq vaqt davomida siz bilan qoladigan eng barqaror 5 ta atirni ko‘rib chiqamiz.
Chloe Eau De Parfum Intense
Ushbu ifor kuz va qish mavsumi uchun maxsus yaratilgan shohona atirdir. Undan taralgan ifor atirgullardan iborat bog‘ini yodga soluvchi nozik bo‘lib, ayollik nazokati va nozik uslubini o‘zida mujassam etgan.
Parfyumdan taraladigan xush bo‘ylik o‘tkir va kuchli emas. Atir qishda foydalanish uchun mosdir, ifor uzoq muddat o‘z ta’sirini yo‘qotmaydi va terida 8 soatgacha qolishi mumkin.
Kenzo Jungle L’Elephant
Ushbu sharqona ifor Kenzo Jungle L’Elephant parfyumi o‘zida turli noyob hidlarni birlashtiradi. Bu tom ma’noda bahor, go‘zallik, tabiatning yangilanishi va ayollikni tarannum etuvchi iforlarga ega atir hisoblanadi.
Betakror kompozitsiya avvaliga o‘ziga xos shirali mandarin, xushbo‘y chinnigul va kardamon iforini taratadi, so‘ng undan shirin vanil hidini eslatuvchi geliotrop, mango, ilang-ilang o‘simligi taraladi.
Sisley Eau du Soir
Eau du Soir eau de parfyumi o‘zining badga urmaydigan xushbo‘yligi, oltin rang bilan bezatilgan ajoyib dizayni bilan uzoq yillar davomida ayollarning qalbini zabt etib kelmoqda. Ushbu klassik parfyum Sisley nomli mashhur fransuz brendi tomonidan 1990-yilda yaratilgan.
Yorqin parfyumeriya kompozitsiyasi bir zumda tropik iforni his etishingizga yordam beradi va qish fasli va charchoqdan keyin ko‘ngilni ko‘taruvchi atir sizga yaxshi kayfiyat bag‘ishlaydi. Mazkur atir avvaliga o‘zidan sitrus mevalarining, xususan, mandarin va greypfurt isini taratadi, so‘ng ifor chinnigul va archa tarovatiga o‘zgaradi.
Guerlain Shalimar
Guerlain Shalimar parfyumeriya olamining haqiqiy klassikasi va afsonasiga aylandi. U 1921-yilda yaratilgan va 1925-yilda Parijdagi Grand Palaisda Universal ko‘rgazmasida namoyish etilgan.
Malika Mumtoz Mahal haqidagi hikoya ushbu atir yaralishi uchun ilhom manbai bo‘lgan. Malika uchun Shoh Jahon Toj Mahalni qurdirgan bino oldidagi Shalimar bog‘lari “sevgi dunyosi” degan ma’noni anglatadi.
Ushbu ajoyib atir ifori asta-sekin taraladi. Avvaliga undan bergamot, sitrus va sadr daraxtining isi taraladi, so‘ng parfyum atirgul va nafis yasmin guli hidlari bilan uyg‘unlashadi.
La Prairie Silver Rain
Shveysariyaning La Prairie savdo uyiga tegishli ushbu parfyum 2004-yilda ishlab chiqarilgan. Maftunkor kumush tomchi shisha shaklidagi mazkur atir hashamat va eksklyuzivlikni o‘zida mujassam etadi. Deyarli afsonaviy maqomga erishgan brend nafaqat o‘zining kosmetikasi, balki parfyumeriya kolleksiyasi bilan jahon bozorida muvaffaqiyat qozongan.
Atir bergamot, yashil olma, kinza, limon, magnoliya, muskus va yasmin guli kabi iforlar kombinatsiyasini o‘z ichiga oladi.
Izoh (1)
Assalomu aleykum narxi qancha ekan bu atirlarni