Коллеж ва техникумларнинг айрим касб (мутахассислик)ларига тўлов-контракт асосида тавсия этилган хотин-қизлар тўлиқ давлат гранти асосида таълим олиши мумкин. Бу ҳақда Олий таълим, фан ва инновациялар вазирлиги матбуот хизмати маълум қилди.
Ушбу имкониятдан фойдаланиш бўйича низом Вазирлар Маҳкамасининг 516-сон қарори билан тасдиқланган.
Унга кўра:
- коллеж ва техникумларга қурилиш, транспорт, коммунал, қишлоқ хўжалиги ва хизмат кўрсатиш соҳаларидаги касб (мутахассислик) бўйича тўлов-контракт асосида ўқишга қабул қилинган хотин-қизлар ўқув йилининг 10 октябрига қадар ушбу коллеж ёки техникум директори номига давлат гранти асосида ўқиш учун ариза билан мурожаат қиладилар.
- аризалар тааллуқлилиги бўйича коллеж ва техникумлар томонидан уч иш куни ичида кўриб чиқилади ҳамда умумлаштирилган ҳолда, Қорақалпоғистон Республикаси Олий таълим, фан ва инновациялар вазирлиги, вилоятлар ва Тошкент шаҳар олий таълим, фан ва инновациялар бошқармаларига тақдим этилади.
- ҳудудий бўлинмалар умумлаштирилган маълумотларни 15 октябрга қадар Олий таълим, фан ва инновациялар вазирлигига юборади.
Касб ва мутахассисликлар рўйхати
Изоҳ (0)